ZÔELA 1:8 - Mara Bible RV (BSI)

⁸ Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

ZÔELA 1:8 ပူးပေါင်းရင်းမြစ်များ

BIESOZY 2:17

Cha chanô cha a thyutlia nota â kaolâhpa siesai ta, A Khazohpa biehrai a my hapa a châ.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ISAI 32:11

Nâmo, pachâ pha kawpa ta a ypa chanôzy saih u, A chalyu u la; Nâmo, chhôhmoh kawpa ta a ypazy saih u, Nôpopa ta y teh u. Nama chysia pahluhpa ta thluahruapa ta y u la, Nama chai liata latho poh a saih teh u.

ZEREMIAH 3:4

Tahmâ tlai kha vei ma na aw chi ta, ‘Ei paw, ei thyutlia no tawhta ei viasa châ chi ta,

CHAPHÔHTUNA 1:4

Zaio kyhchhi a hlaopa ama y khao leipa vâta, Zaio lâpizy mâchhiesapa ta a y; A thokhy chhikao zydua roryhrapa ta y ta, A theihthaipazy amâ hrô; A laihsazy vâsâhpa ta y ei ta, Ano tlai chhao pasa thata a tao.

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

MALAKHAI 2:15

Sapa nata thlahpa liata pôhkha châpa ta ano eih ama châ thei nawpa ta, Khazohpa ta pôhkha ta a taopa châ veih ei ma? Khazia pôhkha ta a tao ei? Khazohpa ta ano khozie hawhta a ypa chipathla a tluapa vâta, pôhkha ta a taopa ei a châ. Chavâta nama thlahpa hro a phapa ta vaih u la, ahy rai a thyutlia no lapinô châta a ngâchhihna pahlei beih khah sy.

ZÂMIE 5:1

Nâmo, hneirôhpa saih u, a vy u la, nama chô liata rietheina vaw tlô haipazy vâta cha u la, thata sâh teh u.