ZÔELA 1:7 - Mara Bible RV (BSI)

⁷ Ei kre zôh pamua khai ta, Ei theiku kôzy a patlaw khai haw; A hyhkuazy hlaipa ta alei lâ thy ta, A chiahzy ama raoh khai haw.

ZÔELA 1:7 ပူးပေါင်းရင်းမြစ်များ

HLAZY 105:33

Ama kre zôhzy nata theiku kôzy chanaoh ta, Ama râh liata thozy a thlie khai haw.

PUASAINA 10:14

Izi râh zydua cha khawsu ta bie ta, râh chhôh su to liata a choh ei ta, ama hluhzie cha, cha hawhta khawsu hluhpa cha kha hlâta y beih leipa ta, y beih khao aw vei.

PUASAINA 10:15

Râh zydua bie khai ei ta, râh zydua a vyh khai haw. Pareih ta a daih laibâhpa, râh liata chicheipa to nata theilâpa zydua nie khai ei ta, Izi râh zydua lyu liata hmo hrohpa rai, tho chhao, chicheipa chhao, y khao vei.

ISAI 24:7

Kresawhti thiehpa cha mâchhiesapa ta y ta, Kre zôh uah ta, Palôh a ly thei kaw tyhpazy chhao amâ hrô.

ISAI 32:12

Lyu pha kawpazy ta Kôvei papua khao leipa ei ta; Kre zôh pathei pha kaw tyhpazy ta Ama pathei khao leipa vâta, Nama chachôhna a chô u la, Chaphôhtu teh u.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ZEREMIAH 8:13

“Ama kôveizy lapa khai aw ei na ta, Kre zôh liata a theizy y khao aw vei. Theiku kôzy liata chhao theikuzy y khao leipa aw ta, Ama hnazy a uah khai aw. Âmo ei piepazy ei kha, Âmo tawhta la pakhuapa a châ aw,” Abeipa ta a tah.

HÔSIA 2:12

A kre zôhzy nata a theiku kôzy parao aw na ta, A khopaw tawhta a hmôpa, A hlao hawhta a pachâpazy ei parao khai aw. Lyurâhpa lâta palie aw ei na ta, Râhsazy ta ama bâ khai aw.

ZÔELA 1:12

Kre zôh uah ta, Theiku kô a raoh haw. Pawmikarânâ nata thiahrâ kôzy raoh ei ta, Epuh kôzy a raoh haw; Lyu liata tho zydua raoh khai ha ta, Chyhsa sawzy alyna a dia haw.

AMÔSÂ 4:9

“Raohna nata maohna ta cha tu ei na ta, Nama sadôzy chângyu ta nie ta, Nama kre sadôzy chângyu ta a nie khai haw; Nama theiku kôzy chângyu ta nie ta, Nama ôli thozy chângyu ta a nie khai haw, Chatanachôta kei lâ vaw kua veih ei chi,” Abeipa ta a tah.

HABAKU 3:17

Theiku kô pawh leipa ta, Kre zôhzy pathei vei hra sala; Ôli thei pathei leipa ta, Lyuzy ta niedo papua vei hra sala; Mietaku o tawhta mietakuzy leidia khaipa ta, Viahchao ozy liata viahchao y vei hra sala;

MALAKHAI 3:11

“Arievazy ta nama chhaohlei theizy ama nie lei nawpa ta pakhâ aw ei na ta, nama sadô liata kre zôhzy pathei leipa ta y aw vei,” Pheisaihzy Abeipa ta a tah.