ZÔELA 1:6 - Mara Bible RV (BSI)

⁶ Phopi miakha ta ei râh vaw siehnao ta, Phopi thatlôpa nata maluh rei tiah leipa a châ; A hâhzy chakeibarôhneipa hâh lyu ta, Chakeibarôhneipa panô naoh a hnei.

ZÔELA 1:6 ပူးပေါင်းရင်းမြစ်များ

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

BIESOZY 30:14

Zaozi hâh a hneipazy y ei ta, Chaizôh naoh a hneipazy chhao ama y; Alei tawhta dyhchhiepazy palâ khai ei ta, Chyhsazy hry tawhta phahlapazy ama palâ tyh.

ISAI 32:13

Ei phopi chhaohlei chô liata Ahloh nata diahsai zy pyuh ta; Khihpi haosai phapa liata a ly kaw tyhpazy o liata Alyna y khao vei; Chavâta nama chachôhna a chô u la, Chaphôhtu teh u.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.