ZÔELA 1:2 - Mara Bible RV (BSI)

² Machâzy saih u, he he thei u la, Râhsaw zydua saih u, nah pachôh teh u! He hawhpa hmo he nama chhâ liata a tlô beih ma? Châ pathlatuhzy chhâ liata chhao a tlô beih ma?

ZÔELA 1:2 ပူးပေါင်းရင်းမြစ်များ

ZAWBÂ 12:12

Machâpazy liata sona y ta, Hro pasina liata pahnona a y tyh.

ZAWBÂ 15:10

Eima hry liata luh pawhpa nata machâpazy y ei ta, Na paw hlâta uhthei viapazy ama y.

ZAWBÂ 21:7

Khazia ma moleipazy hroh ei ta, Machâna taih tlôpa ta, Thatlôpa nata hmotaotheipa ama châ tly?

ZAWBÂ 8:8

“Chhâ hmiatuapa kyh kha patluah la, Ama pathlatuhpazy tluapa hmo a chu tua.

HLAZY 49:1

Phopizy saih u, He he thei u la; Khizaw chyhsa zydua saih u, Nah pachôh teh u.

ISAI 34:1

Hy râhzy saih u, thei awpa ta a vaw hnia u la, Phopizy saih u, nathlie teh u! Alei ta thei sala, A chhôh liata a ypa zydua ta thei mawh ei sy; Khizaw ta thei sala, A chhôh tawhta a puapa zydua ta thei mawh ei sy.

ISAI 7:17

Epharai ta Zudâh a puasai noh tawhta a tlô beih leipa nohzy cha, Abeipa ta Asuria bei vaw tuah aw ta, na chô liata nata na phopi chô liata nata na paw chhôhkha chô liata a patlôsa aw,” tah ta.

ZEREMIAH 30:7

Cha noh rônahzie rimâ cha! Cha noh a lyupa rai y veih ei; Zakaw nôpona noh châ ta, Châhrasala cha tawhtapa cha pachhapa ta a y aw.

ZEREMIAH 5:21

“Hy ahrupa nata novâhna a hnei leipazy saih u, He he thei teh u. Mo hnei ei chi ta, Châhrasala hmô veih ei chi; Nah hnei ei chi ta, Châhrasala thei veih ei chi.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 5:1

Hy Izarei pathla saih u, He bie he thei u la, Nâmo kyh liata ei chaphôhtuna bie he thei teh u.

MIKÂ 1:2

Hy phopizy saih u, thei u la, Nama zydua ta thei teh u; Hy leilô y, nathlie la, A chhôh lia a ypa zydua chhao nathlie teh u. Abeipa Zehôvâh ta cha leih ei ta, Abeipa ta Achhyna o pathaihpa tawhta a cha leih ei.

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MATHAI 13:9

Nakhaoh a hneipa ta thei mawh sy,” tah ta.

MATHAI 24:21

Cha daihti liata, riethei pasataona rarôh y ngaitapa y aw ta, cha hawhpa cha leilô pi daihti tawhta tahmâ taihta y beih leipa ta, khati ta hmahta y heih khao aw vei.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.