ZEREMIAH 9:5 - Mara Bible RV (BSI)

⁵ Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

ZEREMIAH 9:5 ပူးပေါင်းရင်းမြစ်များ

ÂTHAONA 19:11

Ochhi thaby liata chyhsa a ypazy cha, a lai a chyh ta ama mo pachaosa ei ta, thachhâpa ta ochhi hmô thei khao leipa ei ta.

ZAWBÂ 11:3

Nâ palaina bie ta, Chyhsa a chalihsa aw ma? Pasipasawhna bie na rei nota, Ahy hmah cha ra aw veih ei ma?

ZAWBÂ 15:5

Na moleina ta na pakah liata biehnei ta, Piehpiena paleih na hmâ he zaw.

HLAZY 140:3

Ama palei parih paleih hawhta patiahsa ei ta, Ama hmao ry liata vâzi châmaih a y. Selah

HLAZY 50:19

“Na pakah moleina lâ pie chi ta, Na paleih ta dôveina bie a tao tyh.

HLAZY 52:3

Phana hlâta chhiena pasô via chi ta, Biedopa reipa hlâta haipa bie reipa na pasô via. Selah

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

HLAZY 7:14

Moh teh u, moleipa ta paraona saw a zeih ta, Chhoruna saw phaoh ta, Haipa saw a sa tyh.

BIESOZY 12:5

Mosiapa pachânazy cha a do ta, Moleipa ryhraona deikua cha dôveina a châ.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

ISAI 5:18

Adoleina khawhhrizy ta paraona a daophi laih ei ta, Talailih chaorizy a daophipa hawhta moleina a daophipazy cha, Ama hu a po na!

ISAI 57:10

Na siena lâpi pasipa vâta, Na tha chhâ kaw hra sala, “Hnabeiseihna rai y vei,” Tah va chi; Thatlôna thiehpa hmô chi ta, Chavâta panao va chi.

ZEREMIAH 12:13

Sâh tu ei ta, Ahloh ama hria; Ama rie thata a pathei ei ta, Athôhna y hlei vei. Abeipa hiehâhna ru ngaitapa vâta, Ama kôvei pha leipa cha ama no a za kaw aw.”

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 51:58

Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

ZEREMIAH 7:28

Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:8

Ama paleih cha thina châtai châ ta, Dôveipa ta bie a reih tyh. Chyhsa ta a pakah ta a vaih hnohta adyhna bie reih ta, A palôh liata deikua cha ano a byh nawpa a pachâ tyh.

EZEKIA 24:12

Cha hawhta taopa chhao ta, a upa cha sia hlei leipa ta, mei chhao ta pasia thei vei.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

MIKÂ 6:3

“Hy ei phopi, khâpa ma na chô liata ei tao? Kheihta ma na rie ei cha pathei? Nâ chhy tua.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?

MALAKHAI 2:10

Paw pakha saw châ khai ma pi ma? Khazohpa pakha ta a taopa châ ma pi ma? Khazia unawh nata unawh likah liata a ngâna pahlei pi ta, miah pathlatuhpazy biehrai eima papuapalei tly?

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

1 TIMAWTHY 4:2

Cha hawhpa pachunazy cha phapakheipa haihthaipazy tawhta vaw pua ta, ama chhie nata pha pahnona cha thua sahpa ta pakâ hapa hawhta a châ.

RYUREITUHPAZY 2:10

Cha chhâ chyhsa zydua chhao ama pathlatuhpazy hnohta pahlyhpa ama châ khai ha hra. Âmo hnôhlâ ta, Abeipa a pahno leipa nata Izarei châta Abeipa hmotaopazy a pahno leipa chhâ hropa vaw pua ta.