ZEREMIAH 9:3 - Mara Bible RV (BSI)

³ “Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:3 ပူးပေါင်းရင်းမြစ်များ

ÂTHAONA 39:16

A zibeipa â vaw di hlâlei cha, Zawsi viahkao pasipa cha ano kiapâh liata soh ta.

BIESOZY 12:5

Mosiapa pachânazy cha a do ta, Moleipa ryhraona deikua cha dôveina a châ.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

ISAI 6:5

Chatawhcha kei ta, “Ei hu a po kaw dia! Ei leidia haw. Hmao pathaih leipa chyhsa châ na ta, hmao pathaih leipa phopi hry liata ei pahrâ. Ei mo ta Abeipa, Pheisaihzy Abeipa a hmô ha khaw!” tah na ta.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 22:16

Dyhchhiepa nata phahlapazy a duakhei ta, Cha cha hmo phapa a châ. Kei nâ pahnopa cha, Cha hawhta a tao awpa rai châ vei ma? Abeipa ta a tah.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 5:4

Chatawhcha kei ta, “Hezy he dyhchhiepazy deita châ ei ta, Hmo a pahno thai leipazy ama châ hih; Abeipa lâpi pahno leipa ei ta, Ama Khazohpa ryhpa pahno vei ei.

ZEREMIAH 5:5

Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

ZEREMIAH 9:8

Ama paleih cha thina châtai châ ta, Dôveipa ta bie a reih tyh. Chyhsa ta a pakah ta a vaih hnohta adyhna bie reih ta, A palôh liata deikua cha ano a byh nawpa a pachâ tyh.

EZEKIA 8:13

“Kha hlâta pasichhih viapa ama taopazy na hmô aw,” tahpa ta eina chho via heih.

DÂNIAH 11:27

He bei panozy he hmo pha leipa taona lâta ama palôh pahei aw ei ta, tlâhkhai miakha liata dôhna chôta a dôvei raihrie aw ei ta, châhrasala phahnai aw vei, chhâna cha daihti raopa liata a vaw tlô thlyu awpa vâta.

THEIHTHAINA 19:11

“Nama paru awpa châ leipa ta, dôveipa ta hmo nama tao awpa châ hra leipa ta, haipa bie namâ chho raihrie awpa châ vei.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

ZAWHÂNA 17:3

He he chhâzaw hrona a châ: Nâ, Khazoh hmeiseihpa deita nata na tuapa Zisu Krista pahnopa hih.

HMOTAOPAZY 24:9

Zuzy chhao ta, ama leihna cha â dopa tlai a châ tahpa a vaw pykhei ei ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 3:13

Ama rao cha thlâ a pahypa châ ta, Ama paleih dôna bie reina châta hmâh ei ta, Ama hmao liata parih châmaih a y.

1 KAWRINI 15:34

Siana lâta a hra u la, molei khao khuh vy. Thokha cha Khazohpa pahnona rai hnei veih ei chi. Nama maophyuh nawpa ta he bie he ei reih.

PHILIPI 1:28

Khâpa kyh liata hmah châ dyuhtuhpazy chi veih ei chi tahpa chhao ei vaw pahno aw. Cha cha pahleipadia awpa ama châpa ngiana châ ta, nâmo châta deikua cha, pachha awpa nama châpa ngiana a châ. Cha pachhana cha Khazohpa tawhta a châ.

2 TIMAWTHY 3:13

Moleipa nata dôtuhpazy deikua cha, chyhsa dôtuhpa nata dôpa ta a ypazy châ ei ta, chhiena tawhta chhie viana lâ ama pangai lymâ aw.

ZUDÂH 1:3

Kho ngaitapa saih u, mo to ta pachhana eima topa thâtih nama hnohta ro awpa ei kho kaw nota, mopathaihpazy hnohta chhâzaw châta ei kha piepa ngiapâna a duakhei lymâ awpa ta, nâmo lâ ahawna tao awpa â ngiahpa ta ei pahno.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.

RYUREITUHPAZY 14:17

Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.

RYUREITUHPAZY 2:10

Cha chhâ chyhsa zydua chhao ama pathlatuhpazy hnohta pahlyhpa ama châ khai ha hra. Âmo hnôhlâ ta, Abeipa a pahno leipa nata Izarei châta Abeipa hmotaopazy a pahno leipa chhâ hropa vaw pua ta.

1 SAMUELA 2:12

Eli sawchapawzy cha dyutlai leipazy châ ei ta, Abeipa pahno veih ei.