ZEREMIAH 9:20 - Mara Bible RV (BSI)

²⁰ Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

ZEREMIAH 9:20 ပူးပေါင်းရင်းမြစ်များ

ZAWBÂ 22:22

A pakah tawhta pachuna a pyh la, A biezy na palôh liata khô mah y.

ISAI 3:16

Abeipa ta hetana heta a tah: “Zaio sawchanôzy cha a khotlâh kawpa ta, Ama rao pachhuapa ta a hlaihlâ ei ta, Ama mozy ta sydie ei ta, Ama chao chamieh chamâpa ta, Ama phei lâkyuzy ama parosa laihpa vâta,

ISAI 3:4

Thyudyupazy cha ama beimachâzy ta tao aw na ta, Hawtizy ta ama chô liata ryu ama reih aw.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 23:16

Pheisaihzy Abeipa ta hetana heta a tah: “Nama hnohta hrohsona bie a phuahpa hrohsopazy bie nathlie khuh vy. Hnabeiseihna hraoleipazy ta châ pabietuhpazy deita ama châ. Abeipa pakah tawhta a puapa châ leipa ta, âmo palôh liata hmo a lâpazy ama reih tyh.

ZEREMIAH 23:28

Mâsapa a hneipa hrohsopa ta a mâsapa cha reih sala, ei bie a hneipa ta ei bie cha ngâchhihpa ta reih mawh sy. Sâh kô nata sâh hmô zy khâpa alyuna ma ama hnei?” Abeipa ta a tah.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

ZEREMIAH 8:2

kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

ZEREMIAH 9:12

He hmo pahno thai awpa ta a so kawpa chyhsa cha ahy ma a châ tly? Phuah pachhuah awpa ta, ahy hnohta ma Abeipa pakah ta bie â chho tly? Khâpa vâta ma râh he rao khai ha ta, ahy hmahta chapia chahreih lei awpa râhchawhpa hawhta a y ha tly?

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.