ZEREMIAH 9:2 - Mara Bible RV (BSI)

² Râhchawhpa liata khichhai riebu ei hnei mawh sala, Ei phopi he siesaipa ta, Âmo tawhta ei pua syulyu ha awpa tlai! Ama zydua ta apheipazy châ ei ta, Haiphiahpa ypakhypa ama châ.

ZEREMIAH 9:2 ပူးပေါင်းရင်းမြစ်များ

ISAI 59:3

Thisaih ta nama ku papuapalei ta, Paraona ta nama kuparozy a papuapalei; Nama hmaozy ta haipa biezy reih ta, Nama paleih ta moleina bie a papua tyh.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 13:22

Na palôh liata, ‘Khâpa vâta ma, He hmozy he ei chô liata a vaw tlô tly?’ Na tah khiahta cha, Na moleina rarôh ypa vâta, Na hnorâh typa châ chi ta, Taochhiepa ta na ypa a châ.

ZEREMIAH 23:10

Râh cha apheipazy ta bie ta, Chhiesana vâta râh mâchhiesa ta, Râhchawhpa sibiepazy a raoh khai haw. Hmo pha leipa lâpi a chhih ei ta, Â doleipa ta ama thatlôna a hmâhpa ama châ.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

ZEREMIAH 5:11

Izarei pathlazy nata Zudâh pathlazy he Sathisahlai ngaitapa ta ei chô liata a ypazy ama châ,” Abeipa ta a tah.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 5:7

Abeipa châta ngâchhih leipa ei ta, Chihropa sawzy ama sa. Chavâta ama thla thieh chaypi ta Ama lyuzy chhaota a palâ khai aw ei.

HÔSIA 6:7

Âdâh hawhta biehraina parao ei ta, Cha liata eina dôvei ei.

HÔSIA 7:4

Ama zydua ta apheipa châ ei ta, Lômathu sahpa ama lyu. Viahdie neihna daihti tawhta viahchhâ thyuna taihta, Viahchhâ taotuhpa ta tho a ti awpa a byuh khao leipa, Lômathu sahpa hawhta ama châ.

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

MALAKHAI 2:11

Zudâh ta ngâchhihna pahlei ha ta, Izarei nata Zerusale liata hmo pasichhihpazy taopa a châ. Zudâh ta chihropa khazoh sawchanôzy lapinô ta hnei ta, Abeipa ta a pasô ngaitapa a supathaihpa cha a papuapalei haw.

MALAKHAI 2:14

Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

RYUREITUHPAZY 2:10

Cha chhâ chyhsa zydua chhao ama pathlatuhpazy hnohta pahlyhpa ama châ khai ha hra. Âmo hnôhlâ ta, Abeipa a pahno leipa nata Izarei châta Abeipa hmotaopazy a pahno leipa chhâ hropa vaw pua ta.