ZEREMIAH 9:19 - Mara Bible RV (BSI)

¹⁹ Zaio tawhta hetana heta chana pyu a vaw pua: ‘Eima rao khai ha na! Eima nozazie rimâ cha! Eima ozy rao khai ha tlôh ta, Eima râh eima puasai awpa a byuh ha hih!’”

ZEREMIAH 9:19 ပူးပေါင်းရင်းမြစ်များ

ISAI 32:9

Nâmo, pachâ pha kawpa ta a ypa chanôzy saih u, Thyu u la, ei ao nathlie teh u; Nâmo, chhôhmoh kawpa ta a ypa sawchanôzy saih u, Ei bie lâ nama nah pachôh teh u.

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 2:14

“Izarei cha sei ma a châ tly? Sei ta a pihpa ma a châ tly? Khazia hraona sôh lâta â lie ha tly?

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.

ZEREMIAH 7:19

Keima hie pahâhpa hawhta ma ama pachâ? Âmosasyh ta ama no amâ pazapa tlao châ vei ma? Abeipa ta a tah.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

CHAPHÔHTUNA 4:15

Chyhsazy ta, “Sie syulyu ha teh u! Pathaih leipa nama châ! Sie syulyu ha teh u! Sie syulyu ha teh u! Miah hria khah u!” tah ei ta; Phopizy ta, “Eima hry liata pahrâ khao aw veih ei” Ama tah hapa vâta, Arâpaipa nata viavipazy lâta amâ lie haw.

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

EZEKIA 27:2

“Tahmâ nâ, chyhsa sawchapawpa y, Tyre châta chaphôh tu la,

THEIHTHAINA 18:25

Cha vâna chata râh chhao papuapaleipa ta y ta, ama hmo paraona vâta hrie ei na ta, râh ta a chhôh liata a pahrâpazy a pali ha ei.

THEIHTHAINA 18:28

Nâmo chhao, râh nama papuapalei khiahta cha, nâmo hlâta a vaw y tuapa phopi hawhna khata râh ta a cha pali hra aw ei.

THEIHTHAINA 20:22

“Chavâta ei bieraopa zydua nata ei ryhpa zydua a pyh aw ei chi ta, nama zyh awpa a châ. Chatanachata pahrâ nawpa ta ei cha tlôkheina râh ta cha pali aw veih ei.

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

RYHPACHANEINA 28:29

Mochaopa ta azohpa liata a pathâpazipa hawhta, nohchhô sawhvaw ta pathâpazi aw ei chi ta, nama lâpizy liata thlao a chhi leipa aw chi ta, tlybaipa nata hraopa ta y aw ei chi ta, châ pachha awpa ahy hmah y aw veih ei.