ZEREMIAH 9:17 - Mara Bible RV (BSI)

¹⁷ Pheisaihzy Abeipa ta hetana heta a tah: “Tahmâ a phapa ta pachâ teh u; Mâchhie a sapa chanôzy a vy awpa ta aw u la, Chaphôh a tu thaipa chanôzy chhao paawsa u la,

ZEREMIAH 9:17 ပူးပေါင်းရင်းမြစ်များ

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ZAWBÂ 3:8

Noh chhie a sa thaipazy ta, Cha noh cha chhiesapa ei sala, Leviathâ a pathyu theipazy ta, Cha noh cha chhiesapa mawh ei sy.

BIECHHOTUHPA 12:5

su sâhpa chipa ta, lâpi liata chichhih­pazy ypa ta, kuasâh tho a paw pawhpa ta, khawsu dusawta ta siepa ta, a chhâzaw o lâ â di bâ awpa vâta chyhsapa ta khopa hnei khao leipa ta a y hlâta, mâchhiesatuhpazy khiliah liata amâ hlaihlâ hlâta;

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

EZEKIA 27:2

“Tahmâ nâ, chyhsa sawchapawpa y, Tyre châta chaphôh tu la,

EZEKIA 32:16

“Khazy kha Izi châta ama chaphôhtuna hla awpa cha a châ. Phopi zuahzy ta chaphôhtuna hla cha sa aw ei ta, Izi nata a zawpizy châta chaphôh ama tu aw, Abeipa Zehôvâh ta a tah.”

AMÔSÂ 5:1

Hy Izarei pathla saih u, He bie he thei u la, Nâmo kyh liata ei chaphôhtuna bie he thei teh u.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

MATHAI 9:23

Zisu cha ryureituhpa o a tlô nahta, ramo tôtuhpazy nata zawpi a tymâ ngaitapazy hmô ta,

MÂKA 5:38

Pakhyna o hyutuhpa o cha kei tlô ei ta, Zisu ta zawpizy a tymâpa ta cha ei ta, ama sâh awh ngâpa hmô ta.