ZEREMIAH 9:15 - Mara Bible RV (BSI)

¹⁵ Chavâta Pheisaihzy Abeipa, Izarei Khazohpa ta hetana heta a tah: Pachâ teh u, he phopi he pati khapa paniesa aw ei na ta, châmaih ti ei padosa aw ei.

ZEREMIAH 9:15 ပူးပေါင်းရင်းမြစ်များ

HLAZY 60:3

Na phopi he hmo rupazy pahmôsa chi ta, Kresawhti miah pado chi ta, Paochheichhâpa ta miah na tao haw.

HLAZY 69:21

Pati vyuhpa ta châmaih na pie ei ta, Ei dâhphi nota kresawhti thaopa eina padosa ei.

HLAZY 75:8

Abeipa ku liata cha, Kresawhti pahâhpa nyu a y; Kresawhti cha a buchaphy pua ngâ ta, Abeipa ta patlai ta, Khizaw liata moleipa zydua ta doh ei ta, A chaopahrâ taihta ama doh khai haw.

HLAZY 80:5

Âmo cha mothlih viahchhâ ta pasa chi ta, Mothlih nyu biepa na padosa ei.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ISAI 2:22

Chyhsapa he ngâ khao khah y, A hnapasu liata husona a hneipa deita a châ hih; Pasâhsa kaw nawpa khâpa a hnei tly?

ZEREMIAH 23:15

Chavâta hrohsopazy kyh liata, Pheisaihzy Abeipa ta hetana heta a tah: “Pachâ teh u, Zerusale hrohsopazy tawhta a thaopa ta, Râh zydua liata Khazohpa papeisa leina a tlai hapa vâta, Pati khapa paniesa aw ei na ta, Châmaih ti ei padosa aw ei.”

ZEREMIAH 24:10

Âmo nata âmo pathlatuhpazy ei piepa râh tawhta tlokhuh pahleipadia khaipa ama châna taihta, ama chô liata zaozi, chakâhna nata potlana zy ei tuah lymâ aw.”

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 44:27

Phana châta châ leipa ta, chhiena châta ei mokhâh thlâh ha ei. Izi râh liata a ypa Zudâh chyhsa zydua cha, ama chhâ khaina taihta zaozi nata chakâhna ta pamuapa ama châ aw.

ZEREMIAH 49:37

Ama chariahpazy nata ama hrona la a chhuahpazy hmiakô liata, Elâmi mo cha chipa ta paysa aw ei na ta, ei hiehâhna ru ngaitapa lei thlupa ta, ama chô liata chhiena ei patlôsa aw,” Abeipa ta a tah. “Ei pahleipadia khai hlâlei ei cha, zaozi ta ei chadaisa lymâ aw ei.

ZEREMIAH 8:14

Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

CHAPHÔHTUNA 3:15

Sihnâ khapazy ta ei rih na pabie ta, Thohna khapa ti eina parisa.

CHAPHÔHTUNA 3:19

Ei pasataona nata ei viavinazy a thei la, Thohna khapa ti nata châmaih ti ei dopazy a thei thlâh ha mah y.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

EZEKIA 5:2

Su kha cha khihpi dôhna nohzy a chhâ tita, khihpi liah liata mei ta na rao aw. Su kha hropa cha, la aw chi ta, khihpi chheipâh zydua liata zaozi ta na chhawh aw. Su kha hropa heih cha, ziza liata hiepatla aw chi ta, ei zaozi phia aw na ta, ei chadaisa aw ei.

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

BIEPHUAH 8:11

Awhsi moh cha Khapa a châ. Tizy su thôh su kha cha ti khapa lâta a vaw lie ta, ti khapa ta taopa a châpa vâta, a ti a dohpa hluhpi thi ei ta.