ZEREMIAH 9:11 - Mara Bible RV (BSI)

¹¹ “Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

ZEREMIAH 9:11 ပူးပေါင်းရင်းမြစ်များ

NEHEMIAH 4:2

Chatanachata a unawhzy nata Samâri pheisaihzy hmiakô liata, “He Zu dyutlai leipazy heta khâpa ma ama tao hra tly? Khihpi amâ paduapathi heih aw ma? Atheihnazy ama hlâ aw ma? Noh kha ta patlô zua amâ chhuah hra ma? Mei ta a kâ hapa alôzy cha hnaihny tawhta thaopa ta ama pathieh heih aw ma?” tah ta.

HLAZY 107:43

Chyhsa sopa maihta cha hmozy cha ngia ei sala, Abeipa kyhpachâna tleih beih leipa kyh pachâ tyh mawh ei sy.

HLAZY 44:19

Chatanachôta changiezy laihna su liata miah hriechheih chi ta, Thina nohpahli ta miah na khu haw.

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

ISAI 13:22

O sâhpazy liata changiezy pahrâ aw ei ta, Abei o ngiaryh chhihpazy liata savaizy ama pahrâ aw. Babylaw hriena daihti cha a hnia ha ta, A nohzy pasisapa châ aw vei.”

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ISAI 34:13

A abei ozy liata ahlohzy pyu aw ta, A thokhyzy chhôh liata thlahbei nata diahsaizy a pyuh aw. Savaizy tlaihna châ aw ta, Vakuzy pahrâna a châ aw.

ISAI 44:26

Nâ chakaotuhpazy bie pa-i na ta, Ei lyuhchâpazy ryhraopa a patlôsatuhpa ei châ. Zerusale kyh liata, ‘Cha liata chyhsa ama pahrâ heih aw,’ tah na ta, Zudâh khihpizy kyh liata, ‘Paduapathipa châ aw ei ta, Roryhrapa khihpizy ei paduapathi aw ei,’ A tahtuhpa ei châ.

ZEREMIAH 1:15

Pachâ teh, maw lâta abeinarâhzy liata chipho zydua aw ei na ta, a vy aw ei ta, Zerusale thokhy chhikaozy liata ama beidyuchhai patyuh chyu aw ei ta, a thokhy zydua nata Zudâh khihpi to liata ama patyu thlu aw, Abeipa ta a tah.

ZEREMIAH 10:22

Nathlie tua u, bie pathâhpa vaw tlô ta, Maw lâ râh tawhta tyhreihna rarôh ypa a vaw pathâh hai. Zudâh khihpizy roryhrapa ta paysapa ta, Savaizy pahrâna ta tao awpa ta a vaw pathâh.

ZEREMIAH 16:10

“He phopi hnohta, cha bie zydua cha na chho ti ei ta, âmo ta, ‘Khâpa vâta ma Abeipa ta cha hawhpa hmo chhiepa rarôh ypa cha eima chô liata patlôsa â chhuah tly? Khâpa hmo ma eima parao tly? Abeipa eima Khazohpa chô liata khâpa moleina ma eima tao tly?’ ama cha tah khiahta cha,

ZEREMIAH 25:11

“He râh zydua he râh rypa nata roryhrapa vaw châ aw ta, he phopizy heta Babylaw bei cha kô sysari ama chakao aw.

ZEREMIAH 25:18

Tanoh duahmo hawhna heta, roryhrapa nata rypa ta paysapa awpa nata hmaotô chiepa nata chhiesapa ta paysa awpa ta, Zerusale nata Zudâh khihpizy nata a beizy nata beimachâzy;

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

ZEREMIAH 26:9

Khazia Abeipa moh ta hrohsona bie phuah chi ta, ‘He o he Silô hawhta châ aw ta, he khihpi he roryhrapa ta ypa ta, a chhôh liata a pahrâpa y aw veih ei,’ na tah?” tah ei ta. Zawpi zydua ta Zere­miah cha Abeipa o liana cha chadô ei ta.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 44:2

“Pheisaihzy Abeipa, Izarei Khazohpa ta hetana heta a tah: Zerusale nata Zudâh khihpi zydua chô liata chhiena ei patlôsapa zydua nama hmô. Moh tua u, tanoh chhao roryhrapa ta y ei ta, khihpizy liata a pahrâpa ama y khao vei hih.

ZEREMIAH 49:33

“Hâzaw cha changiezy tlaihna su châ aw ta, Chhâzaw ta roryhrapa ta a y aw; Cha liata chyhsa pahrâ khao leipa aw ei ta, Cha lâ a paihpa y khao aw veih ei,” Abeipa ta a tah.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

CHAPHÔHTUNA 1:4

Zaio kyhchhi a hlaopa ama y khao leipa vâta, Zaio lâpizy mâchhiesapa ta a y; A thokhy chhikao zydua roryhrapa ta y ta, A theihthaipazy amâ hrô; A laihsazy vâsâhpa ta y ei ta, Ano tlai chhao pasa thata a tao.

CHAPHÔHTUNA 2:2

Abeipa ta zawngiahna rai hnei leipa ta palâ ta, Zakaw pahrâna su zydua a palâ khai haw; A pathiiana ta parao ta, Zudâh sawchanô thokhyzy a parao khai haw; Khinarâh nata a beimachâzy chhao, Nohzaopa ta a panawh khai ha ei.

CHAPHÔHTUNA 3:47

Apahlawna nata khaohtlô ta miah tlô thlu ta, Chhiena nata raona ta miah a tlô thlu.

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

MIKÂ 1:6

Chavâta Samâri cha, Lyu liata apuapa pahmaohna ta tao aw na ta, Kre lo nawpa su ta ei tao aw; Alôzy Saikao lâ pahluah aw na ta, Â bônazy ei palâsa aw.

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.