ZEREMIAH 8:4 - Mara Bible RV (BSI)

⁴ “Ama hnohta hetana heta reih teh, Abeipa ta hetana heta a tah: Chyhsapa cha ama pao nahta, Thyu heih tyh veih ei ma? Lâpi ama tlei nahta, Kua heih tyh veih ei ma?

ZEREMIAH 8:4 ပူးပေါင်းရင်းမြစ်များ

1 ABEIZY 8:38

ama palôh pasana pahno chyupa ta, mopakha ta tlyma, Izarei zawpi ta tlyma, he o lâ he a heihpa ta ama ku pazawh ei sala, thlahchhâna nata hiana ama vaw tlôkhei khiahta cha,

BIESOZY 24:16

Mosiapa cha ei sari pao hra sala thyu heih tyh ta, Moleipazy deikua cha ei kha chhie atyhna liata amâ hluah tyh.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

ZEREMIAH 3:22

“Hy ngiapâ hnôhsypa sawzy saih u, Vaw kua ha muh vy. Namâ ngiapâna hnôhsyna tawhta ei cha pathyu heih aw ei.” “Moh tua, nâ cha Abeipa eima Khazohpa na châpa vâta, Nâ lâ eimâ vy hih.

ZEREMIAH 36:3

Chatanachata Zudâh pathlazy ta ama chô liata chhiena patlôsa ei chhuahpa zydua pahno aw ei ta, chyhsa to ama hrozie chhiepa tawhta amâ palie thei ngyu aw lah. Chatanachata ama paraona nata ama moleinazy cha ei ngiahthai aw ei,” tah ta.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

EZEKIA 18:23

Moleipa thina cha ei lyna a châ hlei rai ma? A lâpi a heihsai sala, a hroh awpa cha, ei lyna tlao châ hri vei ma? Abeipa Zehôvâh ta a tah.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

HÔSIA 7:10

Izarei apalaina ta ano cha hmiadaisâ ta leih ta, Chatanachôta Abeipa ama Khazohpa lâ kua leipa ei ta, Cha zydua vâta ano cha tlua hlei veih ei.

AMÔSÂ 5:2

“Laihsa kôpa Izarei cha pao ha ta, Thyu heih thei khao vei; A râh liata siesaipa châ ta, A pathyu awpa y veih ei.”

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.