ZEREMIAH 8:2 - Mara Bible RV (BSI)

² kyh ama pachâpa, ama chakaopa, ama pazipa, ama tluapa nata amâ chhypa noh, thlâpâ nata awhsi zydua hmiakô liata zawpa ama châ aw. Pakhypa châ khao leipa aw ei ta, pabupa châ hra aw veih ei. Ie hawhta alei chô liata pasichhihpa ta ama y aw,” Abeipa ta a tah.

ZEREMIAH 8:2 ပူးပေါင်းရင်းမြစ်များ

2 ABEIZY 17:16

Abeipa ama Khazohpa biepiepa zydua tleisai ei ta, viahchaotaw nothlahpa leihpa miano a tao ei ta. Aseri tôh padua ei ta, avâ liata a ypa zydua a chhy ei ta, Bâlâ ama chakao tyh.

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 ABEIZY 21:5

Abeipa o dôhpachhôh tlyhmia miano liata avâ liata a ypa zydua châta maisâhzy a padua.

2 ABEIZY 23:5

Zudâh khihpizy nata Zerusale chheipâh liata su sâhpazy liata atheihna hlâ awpa ta Zudâh beizy ta ama raopa theihthaipazy cha pabâh khai ta, Bâlâ lâta nata noh nata thlâpâ nata awhsi nata avâ liata a ypa zydua lâta atheihna a hlâ tyhpazy chhao a pabâh khai ha ei.

HLAZY 53:5

China rai y leina liata, Chi ngaitapa ta y ei ta; Adyuhna riehmo châ paryh thlupa ruzy cha, Khazohpa ta a hiepatla khai haw; Khazohpa ta âmo cha a thy hapa vâta, Maophyuhpa ta na soh ha ei.

HLAZY 83:10

Âmo cha Enadaw liata pahleipadiapa châ ei ta, Chhaohlei châta ie hawh dei ama châ haw.

HLAZY 83:11

Ama nôpawpazy cha, Ôrebâ nata Zibâ hawhna khata tao la; Ama beimachâ zydua cha, Zebâ nata Zalmunâ hawhna khata tao mah y.

BIECHHOTUHPA 6:3

Chyhsa ta saw za kha hneipa ta kô hluhpi hroh sala, kô khazie leichâ a hro pasipa chhao ta, a hro nohzy cha a khozie hawhta hmâh thei leipa sala, a pha thipa chhao ta pabupa a châ leipa khiahta cha, cha hawhpa chyhsa hlâta cha athipa ta a pihpa a pha via ei tah.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 16:11

hetana heta nâ chhy aw ei: ‘Châ pathlatuhpazy ta kei na siesaipa ta, khazoh hropazy pazi ei ta, cha khazohzy cha chakaopa ta, a chhy ei ta, kei na siesaipa ta, ei ryhpa ama zyh leipa vâta a châ.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

ZEREMIAH 22:19

Alâ pabupa hawhta Zehôki cha pabupa a châ aw; Zerusale thokhy khô lâ a daophi aw ei ta, Cha liata ama thy aw.”

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

ZEREMIAH 31:40

Athipa ri nata buchâh thyna saikao zydua nata nochhi lâta Arâ Chhikao chaki liata a ypa Kidaraw vahtiepa taihta lyu zydua cha, Abeipa châta pathaihpa a châ aw. Khihpi cha khati ta hmahta phiapa nata paraopa châ khao aw vei.”

ZEREMIAH 36:30

Chavâta Zudâh bei Zehôki kyh liata Abeipa ta hetana heta a tah: Dâvi beidyuchhai liata a tyuh awpa chipathla hnei leipa aw ta, a ri chhao nohchhô noh sapa liata nata zâ dâhaw ry liata thypa a châ aw.

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

ZEREMIAH 9:22

Chavâta reih teh u, Abeipa ta hetana heta a tah: “Chyhsa rizy lyurâhpa liata ie hawhta amâ thy aw; Sâh hria khai tawhta sapiahzy hawhta pao aw ei ta, Ahy ta hmah pakhy khao aw veih ei.”

EZEKIA 29:5

Râhchawhpa liata cha thy aw na ta, Na chavah nga zydua chhaota ei cha thy aw. Lyurâhpa liata tla aw chi ta, Na ri lapa châ leipa aw ta, Pabupa châ hra aw va chi. Nama rizy cha, Lei sahrâhpa nata vâ pavawzy hnohta, Nie awpa ta ei pie aw ei.”

EZEKIA 39:5

Lyurâhpa liata na pao aw, ei reih haw, Abeipa Zehôvâh ta a tah.

EZEKIA 6:5

Izarei pathlazy ri cha ama khazoh nothlahpazy hmiakô liata pazia aw ei na ta, nama rupazy cha nama maisâhzy chheipâh liata ei hiezâh aw.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

ZEPHANIA 1:17

Abeipa chô liata ama moleipa vâta, Chyhsapa chô liata nôpona patlôsa aw na ta, Mochaopazy hawhta ama sie aw. Ama thisaih dohlei hawhta leithapa châ aw ta, Ama sapa ie hawhta thypa a châ aw.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

HMOTAOPAZY 7:42

Chavâta Khazohpa ta âmo cha a heihsai ta, avâ liata awhsizy a chhy awpa ta âmo cha a siesai ha ei, hrohsopazy châbu liata, “‘Hy Izarei phopi, Râhchawhpa liata kô sypalih nama y chhôh ta, Sa thiepa nata atheihnazy eina hlâ ei chi ma?

RYHPACHANEINA 17:3

sie ta khazoh hropazy chakaopa ta chazy cha â chhy aw tlyma, a châ vei khiah, noh tlyma, thlâpâ tlyma, avâ liata a ypa kheihawhpa tlyma a chhypa ta, bie ei pie leipa tao sala,

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.