ZEREMIAH 8:14 - Mara Bible RV (BSI)

¹⁴ Khazia eimâ tyuh ngâ thlâh ha tly i? A awpakhypa ta thokhy khihpizy liata a ngia sih la, Cha liata kei leidia ei suh u. Abeipa chô liata eima molei hapa vâta, Abeipa eima Khazohpa ta leidia awpa ta miah soh ha ta, Châmaih ti do awpa miah a pie ha hih.

ZEREMIAH 8:14 ပူးပေါင်းရင်းမြစ်များ

2 SAMUELA 20:6

Dâvi ta Abisai hnohta, “Bikhari sawchapawpa Sebâ heta Absalaw hlâta eima chô liata chhiena a tlôkhei via aw. Na zibeipa chakaotuhpazy he a chhi la, a kei chadai teh. Chataleipatala thokhy hneipa khihpizy liata a ngia hmâ aw ta, eima mohmô tawhta â râ pathlah pathlei aw na,” tah ta.

HLAZY 39:2

Reih pathlie leipa ta a chalihpa ta, Bie phapa chhao reih leipa ta y na ta; Châhrasala ei pachârôhna a pôh rili.

HLAZY 69:21

Pati vyuhpa ta châmaih na pie ei ta, Ei dâhphi nota kresawhti thaopa eina padosa ei.

ISAI 47:5

Hy Kaldia zuahnô y, A chalihpa ta a tyuh la, Zohna liata a ngia teh; Abeinarâhzy abeinô cha tah khao aw veih ei.

ZEREMIAH 14:20

Hy Abeipa, eima paraonazy a pahno pi ta, Miah pathlatuhpazy thaileina chhao eima pahno; Na chô liata eima vaw molei ha tlai na.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 23:15

Chavâta hrohsopazy kyh liata, Pheisaihzy Abeipa ta hetana heta a tah: “Pachâ teh u, Zerusale hrohsopazy tawhta a thaopa ta, Râh zydua liata Khazohpa papeisa leina a tlai hapa vâta, Pati khapa paniesa aw ei na ta, Châmaih ti ei padosa aw ei.”

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 35:11

Châhrasala Babylaw bei Nebukaneza ta râh a kaw siehnao tita deikua cha, ‘A vy teh u, Kaldia pheisaihzy nata Aramia pheisaihzy riahchipa vâta Zerusale lâ sie ei suh u,’ tah pi ta. Chavâta Zerusale liata a pahrâpa eima châ,” tah ei ta.

ZEREMIAH 9:14

chhorupa ta âmo palôh khopa tao ei ta, ama pathlatuhpazy ta ama pachupa hawhta, Bâlâ khazohzy ama pazipa vâta a châ.

ZEREMIAH 9:15

Chavâta Pheisaihzy Abeipa, Izarei Khazohpa ta hetana heta a tah: Pachâ teh u, he phopi he pati khapa paniesa aw ei na ta, châmaih ti ei padosa aw ei.

CHAPHÔHTUNA 3:19

Ei pasataona nata ei viavinazy a thei la, Thohna khapa ti nata châmaih ti ei dopazy a thei thlâh ha mah y.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

AMÔSÂ 6:10

Athipa châta ropahâhpa a rao awpa a heinawh a vy sala, o tawhta a ri puakhei a chhuahpa ta, o chao chhâna liata a ypa cha hiahri sala, “Nâma leipa ta ahrohpa ama y khao ma?” tah sala, “Y veih ei” a tah khiahta cha, ano ta, “Na reih pathlie kha! Abeipa moh eima reih awpa châ vei” a tah aw.

HABAKU 2:20

Abeipa cha Achhyna o pathaihpa liata pahrâ ta, Leilô zydua a hmiakô liata a chalih mawh sy!”

ZEKARIA 2:13

Chyhsapa zydua saih u, Abeipa cha a pahrâna su pathaihpa tawhta kaw thyu ha ta, chavâta a hmiakô liata sidiapa ta y muh vy.

MATHAI 27:34

hmo khapa nata pahlaopa kresawhti padosa ei ta, pachâh ta, doh khoh leipa ta.

RYHPACHANEINA 29:18

A vaih teh u, chataleipatala nama hry liata chapaw tlyma, chanô tlyma, pho tlyma, chi tlyma, tanoh Abeipa eima Khazohpa tawhta ama palôh tleisaipa ta, cha phopizy a chhypa khazohzy cha ngaipa ta chakao aw ei ta, nama hry liata châmaih khapa thari a thla pathlei aw.

RYHPACHANEINA 32:32

“Ama kre zôh cha Sawdawmâ kre zôh tawhta a vy ta, Kawmawrâ lyuzy tawhta a vypa a châ; Ama kre theizy cha châmaih theizy châ ei ta, Ama kre saozy chhao kre sao khapazy a châ.