ZEREMIAH 8:12 - Mara Bible RV (BSI)

¹² Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

ZEREMIAH 8:12 ပူးပေါင်းရင်းမြစ်များ

ÂTHAONA 19:34

A mylâ ta a uhtheinô ta a nawhtanô hnohta, “Zâhnia zâ kha ei paw hnohta kei a zia na ta, tazâ chhao kresawhti padosa heih sih la, nâ a ngia la, a hnohta a zia hra mah y. Chatanachata eima paw tawhta chipathla eima pazao thei aw,” tah ta.

HLAZY 52:1

Hy chyhsa thatlôpa, khazia hmo pha leipa nâ palaikhei tly? Khazohpa phana cha noh y ta y tlôh ta.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

ISAI 24:2

Vâtlâh chô liata hmo a tlôpa hawhta, Theihthaipa chô liata chhao tlô aw ta, Seichapaw chô liata hmo a tlôpa hawhta, A zibeipa chô liata chhao a tlô aw. Seichanô chô liata hmo a tlôpa hawhta, A zibeinô chô liata chhao a tlô aw. A chaleituhpa chô liata hmo a tlôpa hawhta, A zuahtuhpa chô liata chhao a tlô aw. Dyu a pacheisatuhpa chô liata hmo a tlôpa hawhta, Dyu a cheituhpa chô liata chhao a tlô aw. A pôhna a chadaipa ta dyu a pacheisatuhpa chô liata hmo a tlôpa hawhta, A pôhna a pietuhpa chô liata chhao a tlô aw.

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 14:15

Chavâta ei tuapa châ tlôh leipa ta ei moh ta hrohsona bie phuah ei ta, ‘He râh liata zaozi nata chakâhna vaw tlô aw vei,’ a tahtuhpa hrohsopazy kyh liata Abeipa ta hetana heta a tah: Cha hrohsopazy cha zaozi nata chakâhna ta ama leidia aw.

ZEREMIAH 23:12

“Chavâta ama siena lâpi cha, Âmo châta zâ zohpa liata lâpi pahniapa hawhta a châ aw; Âmo hriena kô liata, Ama chô liata chhiena ei patlôsa awpa vâta, Lâpi pahniapa lâ cha topa châ aw ei ta, Ama pao aw,” Abeipa ta a tah.

ZEREMIAH 3:3

Chavâta vâsua pakhâpa châ ta, Châhvâ avâ suah khao vei. Chatanachôta âzuahnô hmia phaoh chy chi ta, Nozana châh chhao pahno va chi.

ZEREMIAH 44:10

Tanoh taihta a panawh to leipa ei ta, nâmo nata châ pathlatuhpazy hmiakô liata ei sopa ei ryhpa nata ei bieraopazy a chhih khoh leipa ei ta, chi hra veih ei.

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

EZEKIA 23:18

A lâhâhpa ta sihryh ta, a thluahruana a palâsapa vâta, a narônô a hao na ta, ei heihsai hapa hawhna khata, ano chhao a hao na ta ei heihsai ha hra.

HÔSIA 5:9

Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

ZEPHANIA 3:5

A chhôh liata a ypa Abeipa cha sia ta, Hmo doleipa tao beih vei; My chareih ta a ryureina dopa palâsa ta, Â doleipa ta ryureih beih vei. Chyhsa doleipa deikua cha, Nozana châh chhao pahno vei.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

PHILIPI 3:19

Cha sahlao chhâna cha leidiana châ ta, ama khazoh cha ama py châ ta, ama rônahna cha ama maophyuhna a châ. Khizaw hmozy liata palôh a sohpa ama châ.