ZEREMIAH 7:9 - Mara Bible RV (BSI)

⁹ Paru ei chi ta, liany cheih ei chi ta, a phei ei chi ta, haipa ta bie a taih ei chi ta, Bâlâ lâ atheihna hlâpa ta, nama pahno beih leipa khazoh hropa nama pazi.

ZEREMIAH 7:9 ပူးပေါင်းရင်းမြစ်များ

1 ABEIZY 18:21

Elaizâh ta zawpi cha a kei hnia ta, ama hnohta, “Pachâna miano likah liata khachâ ma noraihpa ta nama y chy aw? Abeipa cha Khazohpa a châ khiahta cha, ano cha pazi u la, Bâlâ cha Khazohpa a châ khiahta cha, ano cha pazi muh vy,” tah ta. Zawpizy ta kawh kha hmahta a chhy leipa ei ta.

PUASAINA 20:3

“Keima leipa ta khazoh hropazy na hnei awpa châ vei.

ISAI 1:13

Hraoleipa atheihnazy vaw cheih khao khah u; Ropahâhpa chhao ei châta pasichhihpa a châ. Thla thiehpa nata Pahânoh nama chay tyhpazy Chhyh thai khao leipa na ta; Noh peimawhpazy nama chay tyhpa chhao, Chhyh thai khao va na; Moleina chhaota pakhypi pathaihpa nama hmâ tyhpazy chhao Chhyh thei khao va na.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 13:10

Ei biezy nathlie khoh leipa ta, âmo palôh chhorupa zipa ta khazoh hropazy pazi ei ta, chazy cha a chakaopa nata a chhypa, he phopi moleipa he, khâpa châta hmahta a phahnai leipa chaisaih hawhna heta ama châ aw.

ZEREMIAH 18:15

Ei phopi deikua cha na my ei ta, Hraoleipazy lâta atheihnazy ama hlâ tyh. Chazy chata ama lâpizy liata pahluasa ei ta, Lâ hlô zy liata a pahluasa ei. Lâlai a chhih khao leipa ta, Lâkiahzy liata ama sie.

ZEREMIAH 19:4

Kei na siesai ei ta, âmo nata âmo pathlatuhpazy nata Zudâh beizy ta ama pahno beih leipa khazoh hropazy lâta atheihnazy hlâ ei ta, he su he papuapalei ei ta, thaileina a hnei leipazy thisaih ta ama pabie haw.

ZEREMIAH 32:29

He khihpi a dyuh ngâpa Kaldia mo a vy aw ei ta, khihpi he mei ta rao aw ei ta, ama pakâ khai aw. Ei hie pahâh nawpa ta, vâphuhzy tawhta Bâlâ lâta amâ theih tyhna nata khazoh hropazy lâta dopa hlâna ama patlai tyhna ozy chhao mei ta ama rao khai aw.

ZEREMIAH 44:3

Âmo chhao, nâmo chhao, châ pathlatuhpazy chhao ta nama pahno beih leipa khazohzy lâta ropahâhpazy rao ei ta, ama chakaopa vâta, chhiena cha ama chô liata ei patlôsapa a châ.

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

ZEREMIAH 44:9

Châ pathlatuhpazy moleina, Zudâh beizy nata ama lapinôzy moleina, nâmo moleina nata nama lapinôzy ta Zudâh râh nata Zerusale khiliahzy liata moleina hmo ama taopa zy kha nama my khai ha ma?

ZEREMIAH 48:35

Su sâhpazy liata atheihna hlâ ta, A khazoh lâta ropahâhpa a raopa chhao, Môabâ râh liata ei pachhâsa ha aw,” Abeipa ta a tah.

ZEREMIAH 5:2

“Abeipa hrona reipa ta ei reih,” tah taraw ei ta, Haipa ta bie â taih tyhpazy ama châ.

ZEREMIAH 5:7

“Kheihta ma ei châ ngiahthai thei aw? Na sawzy ta na siesai ei ta, Khazoh a châ leipazy moh reipa ta bie amâ taih hapa cha. Ama rihbiena taihta ei pasapa chhao ei ta, Nâ pheisai pyly ei ta, Âzuahnôzy o lâ a hripi ta ama ngai tyh.

ZEREMIAH 7:6

mapaihpa nata paw hnei leipa nata nôhmei zy tlybai leipa u la, he su liana heta thaileina a hnei leipa thisaih palo leipa ta, châ pamoleisa awpa khazoh hropazy nama pazi leipa khiahta cha,

EZEKIA 18:18

A paw deikua cha, chyhsa eih chhu ta, a unawhpa hrao ta, a phopi hry liata hmo pha leipa a taopa vâta, pachâ teh, a paraona vâta a thi awpa a châ.

EZEKIA 20:30

“Chavâta Izarei pathlazy chho la, ama hnohta hetana heta tah mah y. Abeipa Zehôvâh ta hetana heta a tah: Châ pathlatuhpazy taozie hawhta nâmosasyh ta a papuapaleipa ta, ama hmo pasichhihpazy liana khata nâmo chhao namâ phei hra aw ma?

EZEKIA 23:39

Ama khazoh nothlahpazy lâta atheihna ta hlâ awpa ta ama sawzy ama thie noh ta, cha noh lia tlai ta ei supathaihpa papuapalei awpa ta amâ ngia. Pachâ teh, cha hawna chata ei o chhôh liata ama tao tyh.

EZEKIA 5:11

Chavâta Abeipa Zehôvâh ta hetana heta a tah: Ei hrona reipa ta ei reih. Na puana nata na pasichhihnazy ta ei supathaihpa na papuapaleipa vâta, ei cha chhawh pathlah ha aw. Ei mo ta cha pahlôh leipa aw ta, cha ngiachhie aw va na.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RAWMA 2:2

Cha hawhpa hmo a tao tyhpazy chô liata Khazohpa pachiana a tlô thlupa cha, a châ awpa tlai na a châ tahpa eima pahno.

RYHPACHANEINA 32:17

Khazoh a châ leipa ahripazy lâta atheihna hlâ ei ta, Ama pahno beih leipa khazoh, Atlia ta a vaw ypa khazoh thiehpa, Pathlatuhpazy ta ama chi beih leipa Khazohzy lâta atheihna ama hlâ tyh.

BIEPHUAH 21:8

Riahchhiepazy, ngiapâleipazy, pasichhihpazy, lianycheihpazy, sihryhpazy, dyuthaipazy, nothlahpa achhypazy nata haiphiahpa zydua to awpa deikua cha, mei nata kaih ta a kâ ngâpa tipo châ aw ta, cha cha thina einona a châ,” tah ta.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.

RYUREITUHPAZY 5:8

Khazoh thiehpazy amâ la nahta, Thokhy chhikaozy liata adyuhna a vaw y tyh. Vyhphao tlyma, asei tlyma, Izarei thy palih hry liata hmô awpa a y ma?