ZEREMIAH 7:8 - Mara Bible RV (BSI)

⁸ “Pachâ teh u, phahnaina a hnei leipa haipa biezy tlao nama ngâ he zaw.

ZEREMIAH 7:8 ပူးပေါင်းရင်းမြစ်များ

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ZEREMIAH 13:25

Kei na my chi ta, Haipa biezy na ngâpa vâta, He he na tovyuh châ ta, Na châta ei raopa tovyuh cha a châ.

ZEREMIAH 23:26

Haipa ta hrohsona bie a phuah tyhpa hrohsopazy palôh liata khati taih ma haipa biezy y chy aw ta, âmo palôh liata dôveina bie a phuah tyhpa hrohsopazy palôh liata khati taih ma haipa biezy a y chy aw tly?

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 28:15

Chatawhcha hrohsopa Zeremiah ta hrohsopa Hânaniah hnohta, “Hânaniah, nathlie teh, Abeipa ta cha tuah vei, he phopi he haipa bie na pazosa hih.

ZEREMIAH 4:10

Chatawhcha kei ta, “Hy Abeipa Zehôvâh, he phopi nata Zerusale he dua thata na dôvei haw! ‘Thlalôhpa ta nama y aw,’ tah chi ta, châhrasala ama rao liata zaozi ta mopâpa ama châ ha he zaw,” tah na ta.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.