ZEREMIAH 7:34 - Mara Bible RV (BSI)

³⁴ Zudâh khihpizy liata nata Zerusale khiliahzy liata palaona pyu, thaphana pyu, myuhneituhpa ao nata myuhthieh ao zy chalihsa khai ha aw na ta, râh cha roryhrapa ta a y aw.

ZEREMIAH 7:34 ပူးပေါင်းရင်းမြစ်များ

ZAWBÂ 3:7

Moh teh u, cha zâ cha zâ chohpa châ sala, Thaphana pyu rai theipa châ khah sy.

HLAZY 78:63

Mei ta ama satliazy kâ khai ha ta, Ama laihsazy ahneina hla sa thei khao veih ei.

ISAI 1:7

Nama râh roryhrapa ta y ta, Nama khihpizy mei ta kâ ta; Nama mohmô lia tlai ta, Chihropazy ta nama râh ama palâ khai haw. Chihropazy ta râh parao khai ha ei ta, Roryhrapa ta a y.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 16:9

Abeipa Atotaotheipa, Izarei Khazohpa ­ta hetana heta a tah: Pachâ teh u, nama hro chhôh nama mohmô lia tlai ta, alyna pyu zy, thaphana pyu zy, myuhneituhpa ao nata myuh ao zy he su liata ei chalihsa khai aw.

ZEREMIAH 22:6

Abeipa ta Zudâh bei pathlazy kyh liata hetana heta a tah: “‘Ei châta Kilia hawhta châ chi ta, Lebanaw tlâh laki hawhta na châ; Chatahrasala râhchawhpa ta cha tao aw na ta, Khihpi rypa ta ei cha tao aw.

ZEREMIAH 25:10

“Cha dei châ vei, alyna nata thaphana pyuzy, myuhneituhpa nata myuh aozy, sâh chariehna pyu nata meiôh khaihna zy âmo tawhta ei la khai ha aw.

ZEREMIAH 27:17

Âmo biereipa cha nathlie khuh vy. Babylaw bei chakao u la, nama hroh aw. He khihpi he khazia roryhrapa ta a y aw?

ZEREMIAH 33:10

“Abeipa ta hetana heta a tah: ‘He he chyhsapa nata râhsa y leina roryhrana su a châ’ nama tahpa su, chyhsapa tlyma, a chhôh liata a pahrâpa tlyma, râhsa tlyma y leina Zudâh khihpizy nata Zerusale khiliahzy liana heta aozy thei heihpa a châ aw.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

ZEREMIAH 4:26

Mohmia pasaih heih na ta, Lyu phapa cha râhchawhpa lâta a lie ha ta, A khihpi zydua chhao, Abeipa hmiakô liata, A hiehâhna ru ngaitapa hmiakô liata, Ama rao khai haw.

ZEREMIAH 4:27

Abeipa ta hetana heta a tah: “Râh pôhpalôhpa roryhrapa ta y aw ta, Chatahrasala chhâ pathlahna patlôsa aw va na.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

CHAPHÔHTUNA 5:14

Machâzy khihpi thokhy chhikao siesai ha ei ta, Satliazy ta ama pyungiapa ama siesai haw.

EZEKIA 26:13

Na hla pyu ngiapazy chalihsa aw na ta, na totâ pyuzy a diah aw.

EZEKIA 7:11

Nôchhiena cha kaw pitloh ta, moleina chôchahrei lâta â lie haw. Ahy hmahta y khao leipa aw ei ta, ama zawpi nata ama hneirôna zy y khao hra leipa aw ta, ama hry liata hmo sôhpazy chhao y tlâ khao aw vei.

HÔSIA 2:11

A kyhchhizy ei pachhâsa khai aw; A thla thieh chaypi nata a Pahânohzy pachhâsa aw na ta, Â lyna kyhchhi zydua ei pachhâsa khai aw.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

MIKÂ 7:13

Râh deikua cha a chhôh liata a pahrâpazy vâta, Roryhrapa ta y aw ta; Ama hmotao theilâpazy vâta, Roryhrapa ta a y aw.

BIEPHUAH 18:23

Meiôh khaihna chhao, Na chhôh liata khaih khao aw vei. Myuhneituhpa ao nata myuh aozy chhao, Na chhôh liata theipa châ khao aw vei. Na sôhpalietuhpazy cha, Lei chyhsa rônahpazy châ ei ta, Na dyuthaina ta phopi zydua dôveipa ta ama y.