ZEREMIAH 7:33 - Mara Bible RV (BSI)

³³ He phopi rizy cha avâ pavawzy nata alei sahrâhpazy châta pati châ aw ta, ahy hmahta a laih aw veih ei.

ZEREMIAH 7:33 ပူးပေါင်းရင်းမြစ်များ

ISAI 18:6

Kre zôh zydua cha tlâh pavaw rikawhpazy châta siesaipa châ aw ei ta, Lei sahrâhpazy châta siesaipa ama châ aw. Cha liana cha pahmôhzy ta nopi daihti hmâh tyh aw ei ta, Lei sahrâhpa zydua ta chasipaw daihti ama hmâh tyh aw.

ZEREMIAH 12:9

Ei ryuto cha kei châta Changie hawhta châ ta ma, Sa hei niepa pavawzy ta ama chadô tly? Sie la, sahrâhpa zydua kei pakhy la, Ano palâ awpa ta a vaw chhi mah y.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 15:3

“Paraotuhpa chi palih ama chô liata ei vaw tuah aw, Abeipa ta a tah: A thie awpa zaozi, a hriechheih awpa izy nata a palâ awpa nata a pahleipadia awpa avâ pavawzy nata lei sazy ei vaw tuah aw.

ZEREMIAH 16:4

Hri chhiepa ta ama thi aw. Âmo châta mâchhiesapa châ leipa aw ta, pabupa châ aw veih ei. Alei liata ie hawhta ama y aw. Zaozi nata chakâhna ta thi aw ei ta, ama rizy cha avâ pavawzy nata alei sazy lao a châ aw.

ZEREMIAH 19:7

He su liana heta Zudâh nata Zerusale hmochhuahpazy cha hraoleipa pachâsa aw na ta, âmo cha ama chariahpazy hmiakô liata nata ama hrona la a chhuahpazy ku liata zaozi ta ei papao aw ei. Ama rizy cha avâ pavawzy nata alei sahrâhpazy lao ta ei pie aw.

ZEREMIAH 22:19

Alâ pabupa hawhta Zehôki cha pabupa a châ aw; Zerusale thokhy khô lâ a daophi aw ei ta, Cha liata ama thy aw.”

ZEREMIAH 25:33

“Cha noh liata Abeipa ta a thiepa chyhsazy cha, alei chhâna hiakha lâ tawhta alei chhâna hiakha lâ taihta amâ zawh aw. Mâchhiesapa leipa aw ei ta, ama ri lapa châ leipa aw ta, pabupa châ hra aw veih ei. Alei chô liata ie hawhta ama châ aw.

ZEREMIAH 34:20

Ama chariahpazy nata ama hrona la a chhuahpazy ku liata hlâ aw ei na ta, ama rizy cha avâ pavawzy nata alei sazy châta ama lao a châ aw.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

ZEREMIAH 9:22

Chavâta reih teh u, Abeipa ta hetana heta a tah: “Chyhsa rizy lyurâhpa liata ie hawhta amâ thy aw; Sâh hria khai tawhta sapiahzy hawhta pao aw ei ta, Ahy ta hmah pakhy khao aw veih ei.”

EZEKIA 29:5

Râhchawhpa liata cha thy aw na ta, Na chavah nga zydua chhaota ei cha thy aw. Lyurâhpa liata tla aw chi ta, Na ri lapa châ leipa aw ta, Pabupa châ hra aw va chi. Nama rizy cha, Lei sahrâhpa nata vâ pavawzy hnohta, Nie awpa ta ei pie aw ei.”

EZEKIA 39:4

Izarei tlâhpizy chô liata pao aw chi ta, nâ nata na pheisaih zydua nata na hnohta a ypa phopizy nama pao khai aw. Nama rizy cha sa hei a niepa pavaw to nata râh sahrâhpa to nie awpa ta ei pie aw.

RYHPACHANEINA 28:26

Nama rizy cha avâ pavaw zydua nata alei sazy ta nie aw ei ta, a laih awpa y aw veih ei.

RYHPACHANEINA 8:20

Abeipa nama Khazohpa ao nama nathlie vei khiahta cha, nama hmiakô liata phopizy a pahleipadiapa hawhta, nâmo chhao nama leidia aw.