ZEREMIAH 7:28 - Mara Bible RV (BSI)

²⁸ Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

ZEREMIAH 7:28 ပူးပေါင်းရင်းမြစ်များ

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

HLAZY 50:17

Pachuna a haopa ta, Ei biezy hnôhchhy tlôh chi ta.

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ZEREMIAH 11:10

Ei bie a nathlie khoh leipa, âmo pathlatuhpazy moleina lâ kua heih ei ta, khazoh hropazy pazi ei ta ama chakao. Izarei pathlazy nata Zudâh pathlazy ta âmo pathlatuhpazy hnohta biehrai ei taopa ama parao haw.

ZEREMIAH 17:23

Châhrasala nathlie leipa ei ta, ama nah pachôh hra veih ei. Chhorupa ta tlao y ei ta, chhoreina thei khoh leipa ei ta, a pyh khoh hra veih ei.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 32:33

Ama hmia na chhy leipa ei ta, ama hnôh tlao eina chhy ei. Ei pachu ngâ thlâh hapa chhao ei ta, pachuna cha a pyh awpa ta ama nah pachôh veih ei.

ZEREMIAH 5:1

Zerusale khiliah liata a râhreih u la, Moh u la, ngia teh u! A tlyliahzy liata tlua u la, Adona tao ta ngâchhihna a tluapa Pakha chhâ nama hmô khiahta cha, Zerusale cha ei ngiahthai aw.

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

ZEREMIAH 6:28

Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 6:8

Hy Zerusale, zikyurâna he a papeisa mah y; Chataleipatala cha siesaipa ta, Roryhrapa ta cha tao aw na ta, Pahrâ tlâh leipa râh ta ei cha tao pathlei aw na.”

HÔSIA 4:1

Hy Izarei sawzy saih u, Abeipa bie thei teh u; He râh liata a pahrâpazy Abeipa ta a cha leih ei: Ngâchhihna charei leipa ta, Ngiachhiena charei hra leipa ta, Râh liata Khazohpa pahnona y vei.

ZEPHANIA 3:2

Rei a ngiah leipa ta, Chhoreina chhao a pyh khoh vei. Abeipa ngâ leipa ta, A Khazohpa a hnia hra vei.

ZEPHANIA 3:7

Khihpi hnohta, ‘Na chi hmeiseih la, Chhoreina a pyh mah y; Chatanachata na pahrâna su paraopa châ leipa aw ta, Nâma hrie nawpa ta ei raopa chhao, Na chô liata vaw tlô aw vei,’ tah na ta, Châhrasala hmo ama tao via nahta, Ama parao via rili.