ZEREMIAH 7:20 - Mara Bible RV (BSI)

²⁰ Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 7:20 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

ISAI 10:17

Izarei khaihna cha mei châ aw ta, A Mo Pathaihpa cha mei palei a châ aw; Chatanachata a diahsai nata ahlohzy cha, Noh kha ta a kâ patlô khai aw.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 66:24

“Pua aw ei ta, nâ dyuhtuhpazy ri ama moh tyh aw. Ama lôpazy thi leipa aw ta, ama mei pachhaipa châ hra leipa aw ta, chyhsa zydua châta hmo pasichhih ngaitapa ama châ aw,” Abeipa ta a tah.

ZEREMIAH 11:16

Abeipa ta, ‘Ôli tho hrohpa, thei pha a patheipa tho a ngiapa,’ tahpa ta moh a cha bipa kha na châ. Châhrasala chothyu ru ngaitapa a hrâhna hry liata mei ta rao aw ta, a chiahzy a thlie khai ha aw ei.

ZEREMIAH 12:4

Râh he khachâ ma mâchhiesa aw ta, Khachâ ma râh to liata sibiepazy ama uah aw tly? A chhôh liata a pahrâpazy ta Hmo pha leipa tao ei ta, “Khazohpa ta eima chhâna hmô aw vei,” Ama tahpa vâta, Râhsazy nata pavawzy ama thi khai ha hih.

ZEREMIAH 14:16

Hrohsona bie ama chhopa zawpi chhao, chakâhna nata zaozi vâta Zerusale khiliahzy liata thypa châ aw ei ta, âmo chhao, ama lapinôzy nata ama sawchapawzy nata ama sawchanôzy chhao, pabupa châ tlâ aw veih ei. Ama paraona ama chô liata ei lei thlu aw ei.

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 17:4

Na ryuto châta ei cha piepa kha ky aw chi ta, na pahno beih leipa râh liata na chariahpazy chakaotuhpa ta ei cha tao aw. Ei hiehâna ta mei pati hapa châ ta, chhâzaw ta a kâ aw.”

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

ZEREMIAH 6:12

Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

ZEREMIAH 8:13

“Ama kôveizy lapa khai aw ei na ta, Kre zôh liata a theizy y khao aw vei. Theiku kôzy liata chhao theikuzy y khao leipa aw ta, Ama hnazy a uah khai aw. Âmo ei piepazy ei kha, Âmo tawhta la pakhuapa a châ aw,” Abeipa ta a tah.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 22:22

Patina mei liata tâkâ patipa hawhta, nâmo chhao cha lia liata patipa châ aw ei chi ta, kei Abeipa heta ei pathiiana nama chô liata ei cha leih thlu ei tahpa nama pahno aw,” tah ta.

EZEKIA 7:12

Daihti vaw tlô ha ta, noh â hnia haw. Ama zawpi zydua chô liata Khazohpa hiehâhna a vaw tlô awpa vâta, a chaleituhpa ta aly leipa sala, a zuahtuhpa chhao mâchhiesa khah sy.

EZEKIA 7:14

“Chiahmie tô ei ta, ato a mâ chiehpa ta a y. Châhrasala ei hiehâhna cha ama zawpi zydua chô liata a ypa vâta, ahy hmahta adyuhna lâ sie veih ei.

DÂNIAH 9:11

Izarei zydua ta na ryhpa parao ei ta, tleisai ei ta, na ao nathlie khoh veih ei. Chavâta châ chakaotuhpa Mawsi Ryhpa liata chhiesana nata bietai zy kha eima chô liata patlai thlupa ta eima y ha hih. Abeipa chô liata na eima vaw molei haw tlai.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

NÂHU 1:6

A ruchhôna ahy ma a dao thei aw? A hiehâhna rupa ahy ma a tao thei aw? A pathiiana cha mei hawhta patlaipa châ ta, Lôpanôzy a patlaw khai haw.

ZEPHANIA 1:2

“Hmo zydua alei chô tawhta Ei pahleipadia khai aw,” Abeipa ta a tah.

ZEPHANIA 1:3

“Chyhsa nata sazy pahleipadia aw na ta, Avâ pavawzy nata tilaipi ngazy ei pahleipadia khai aw. Moleipazy papao aw na ta, Alei chô tawhta chyhsa ei pamua ha aw,” Abeipa ta a tah.

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

BIEPHUAH 14:10

Khazohpa hiehâhna kresawhti patapa, a hiehâhna nyu liata khâpa hmah pahlao leipa ta patlaipa cha doh aw ei ta, vâlyuhchâpa pathaihpazy mohmô ta nata Mietakutaw mohmô liata mei nata kaih ta pasa pataosapa ama châ aw.