ZEREMIAH 7:18 - Mara Bible RV (BSI)

¹⁸ Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

ZEREMIAH 7:18 ပူးပေါင်းရင်းမြစ်များ

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

1 ABEIZY 16:2

“Dohlei tawhta cha cheihchalo na ta, ei phopi Izarei chô liata hyutuhpa ta ei cha tao. Châhrasala Zerôbaw lâpi a chhih hrapa ta, ei phopi Izarei cha pamoleisa chi ta, ama moleinazy vâta pathi iapa ta eina tao ha chi.

HLAZY 16:4

Khazoh hropa a pazipazy cha ama vâsâhna a pôh aw; Dopa hlâna thisaih ama hlâpazy patlai leipa aw na ta, Ei hmao ta ama moh pado hra aw vei.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 57:6

Saikao alô mihpazy hry tawhta Na khazoh ta na tao awpazy a tlyh chi ta, Chazy tlai cha nâ chhy tyh. Chazy lâta dopa hlâna patlai chi ta, Niepa hlâna na hlâ tyh. Cha hmozy chata ei palôh eina patlâh aw ma?

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ZEREMIAH 1:16

Chatawhcha na siesai ei ta, khazoh hropazy lâta ropahâhpa raopa ta, âmo ku ta taopa amâ chhyna moleina zydua vâta, âmo kyh liata ei pachiana zydua ei phuah aw.

ZEREMIAH 11:17

Izarei pathlazy nata Zudâh pathlazy ta hmo pha leipa tao ei ta, Bâlâ lâta atheihna hlâpa ta ei hie eina pahâhpa vâ ei ta, nâma châ lohtuhpa Pheisaihzy Abeipa ta na chô liata chhiena patlôsa awpa ta a phuah haw.”

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

ZEREMIAH 19:13

Zerusale ozy nata Zudâh beizy ozy, avâ liata hmozy lâta hmohlâpazy hlâna vâphuh to nata khazoh hropazy lâta dopa hlâna patlaina vâphuh to cha, Tôphe su hawhta papuapaleipa a châ aw.’”

ZEREMIAH 25:7

Châhrasala na nathlie veih ei chi. Nama ku ta a taopazy ta ei hie na pahâh ei chi ta, nâmosasyh ta namâ pasasa tyh,” Abeipa ta a tah.

ZEREMIAH 32:29

He khihpi a dyuh ngâpa Kaldia mo a vy aw ei ta, khihpi he mei ta rao aw ei ta, ama pakâ khai aw. Ei hie pahâh nawpa ta, vâphuhzy tawhta Bâlâ lâta amâ theih tyhna nata khazoh hropazy lâta dopa hlâna ama patlai tyhna ozy chhao mei ta ama rao khai aw.

ZEREMIAH 44:25

Pheisaihzy Abeipa, Izarei Khazohpa ta hetana heta a tah: Nâmo nata nama lapinôzy ta, ‘Avâ beinô lâ ropahâhpazy raopa ta, ano lâ dopa hlânazy patlai awpa ta, avâ beinô liata eima bietaizy cha eima tao tlai aw,’ tahpa ta nama pakah ta reih ei chi ta, nama ku ta pi nama patlohsa haw. Nama bietaizy cha pa-i u la, nama bietaizy cha tao lâlao teh u.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

ZEREMIAH 7:17

Zudâh khihpizy liata nata Zerusale khiliahzy liata ama hmotaopazy hmô va chi ma?

CHAPHÔHTUNA 5:13

Satliazy sâh chariehsa raruah ei ta, Chapaw hawtizy tho a hripa a piapa ta ama pao chheichhâ.

EZEKIA 16:26

Na opapa Izi chyhsa aohraohpazy liata sihryh chi ta, ei hie na pahâh awpa ta, na sihryhna na papôh via rili.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

EZEKIA 8:16

Chatawhcha Abeipa o chhôh tlyhmia lâ nâ chhi ta. Abeipa Achhyna o lâ angiana, aikah nata maisâh likawh liata, chyhsa pakih nata papangawh rachhôh â tyuhpa hmô ei na ta. Abeipa Achhyna o hnôhchhypa ta a tyuh ei ta, nochhi lâ hmiachhypa ta, nochhi lâ tawhta noh a kaw chhipa cha a chhy ei ta.

EZEKIA 8:17

Abeipa ta ei hnohta, “Hy chyhsa sawchapawpa y, kha kha na hmô ma? Zudâh pathlazy ta he su liata hmo pasichhihpa ama taopazy he, hmo chyh nawhpa ma a châ? Râh he atudaina ta pabiepa ta, ei hie na pahâh via rili amâ chhuahpa ma a châ tly? Moh tua, chhobuh ta ama hnapasu amâ pakhâ huh.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 32:16

Chihropa khazohzy ta a hia patliasa ei ta, Pasichhihpazy taopa ta a hie ama pahâh.

RYHPACHANEINA 32:21

Khazoh a châ leipa ta ei hia na patliasa ei ta, Ama nothlahpazy ta ei hie eina pahâh ei. Chavâta phopi ta rei khi a tloh leipa chô liata Ama hia patliasa aw na ta, Râh hrupa hmâpa ta ama hie ei pahâh aw.

RYHPACHANEINA 4:19

Abeipa nama Khazohpa ta avâ ry liata chyhsa zydua châta a taopa noh, thlâpâ, awhsizy nata avâ liata a ypa zydua nama hmô tita, avâ lâ uapa ta, chazy chata nama palôh cha sy ei sala, namâ chhy pathlei lei nawpa ta a vaih teh u.