ZEREMIAH 7:14 - Mara Bible RV (BSI)

¹⁴ Silô chô liata ei taopa hawhna khata, ei moh ta bipa, he o chô liana chhao he tao aw na ta, nâmo nata châ pathlatuhpazy hnohta su ei cha piepa ei, namâ ngâchhâpa chô liata chhao ei tao aw.

ZEREMIAH 7:14 ပူးပေါင်းရင်းမြစ်များ

2 ABEIZY 25:9

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

2 THÂTIHZYRONA 7:21

He o rônahpa he, a chapiapa maihta noâh tahpa ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

HLAZY 78:60

Silô liata a byureih siesai ta, Chyhsapa hry liata a pahrâna poh o a siesai haw.

ISAI 64:11

Miah pathlatuhpazy ta ama cha reithai tyhna Eima o pathaihpa nata rônahpa cha mei ta kâ ha ta, Eima su a ngia ngaitapazy chhao, Su rypa ama châ khai ha hih.

ZEREMIAH 12:7

“Ei o siesaipa ta, Ei ryuto thy ha na ta; Ei hro ta a tlaichhai ngaitapa cha, Ei hro chariahpazy hnohta ei hlâ haw.

ZEREMIAH 23:39

moh teh u, cha my pathlah aw ei na ta, nâmo chhao, nâmo nata châ pathlatuhpazy hnohta ei cha piepa khihpi chhao heta, ei mohmô tawhta ei cha thy aw ei.

ZEREMIAH 26:18

“Môrese chyhsa Mikâ ta Zudâh bei Hezekia â beina daihti liata hrohsona bie phuah ta, Zudâh zawpi zydua hnohta, ‘Pheisaihzy Abeipa ta hetana heta a tah, “‘Zaio cha leipalie hawhta paliepa châ aw ta, Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw,’” tah ta.

ZEREMIAH 26:4

“Ama hnohta hetana heta na chho aw ei, ‘Abeipa ta hetana heta a tah: Na nathlie leipa u la, nama hmiakô liata ei sopa ei ryhpa zyh leipa u la,

ZEREMIAH 7:10

Cha khai tawhta keima moh tlai bipa, he o lâ he a vy ei chi ta, ei hmiakô liata namâ vaw duah heih tyh. Cha hawhpa hmo pasichhihpazy cha tao lymâ awpa ta ma, ‘Eimâ boh haw!’ nama tah tyh aw?

ZEREMIAH 7:12

Ei moh ei vaw paysa tuana Silô liata keima su lâ vawh u la, ei phopi Izarei moleina vâta a chô liata hmo ei taopa kei moh teh u.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

CHAPHÔHTUNA 2:7

Abeipa ta a maisâh thy ta, A supathaihpa a dytha haw; A bei o thokhyzy chhao, A chariahpa ku liata a hlâ haw; Kyhchhi noh ta taopa hawhta, Abeipa o liata thata ama awh.

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

EZEKIA 23:31

Nâ chhao na narônô lâpi a chhih chi ta, chavâta a nyu cha na ku liata ei cha pie aw.

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 28:52

“Nama râh chhôh zydua liata nama ngâpa thokhy a sâhpa nata a ipazy ama pacho khai hlâlei nama khihpi zydua liata cha dôh aw ei ta, Abeipa nama Khazohpa ta râh a cha piepa liata nama khihpi zydua lia tlai ta ama cha dôh aw.