ZEREMIAH 7:10 - Mara Bible RV (BSI)

¹⁰ Cha khai tawhta keima moh tlai bipa, he o lâ he a vy ei chi ta, ei hmiakô liata namâ vaw duah heih tyh. Cha hawhpa hmo pasichhihpazy cha tao lymâ awpa ta ma, ‘Eimâ boh haw!’ nama tah tyh aw?

ZEREMIAH 7:10 ပူးပေါင်းရင်းမြစ်များ

1 ABEIZY 9:3

Abeipa ta a hnohta. “Na thlahchhâna nata na hiana, ei hmiakô liata na tlôkheipazy kha ei vaw thei haw. He Achhyna o na sapa he pathaisa na ta, he liata ei moh chhâzaw ta ei paysa haw. He liana heta ei mo nata ei palôh khâ a y ngâ thlâh ha aw.

2 ABEIZY 21:4

Abeipa ta, “Zerusale liata ei moh ei paysa aw,” a tahna su, Abeipa o liata khazoh hropa maisâhzy padua ta.

2 THÂTIHZYRONA 33:4

Abeipa ta, “Zerusale liata chhâzaw ta ei moh a y aw,” a tahna Abeipa o liata khazoh hropa maisâhzy padua ta.

2 THÂTIHZYRONA 33:7

Khazohpa ta Dâvi nata a sawchapawpa Sawlawmaw hnohta, “He o nata Zerusale khihpi, Izarei chi zydua tawhta ei tlyhpa liana heta ei moh chhâzaw ta ei paysa aw,” a tahna Achhyna o liata ano taopa khazoh nothlahpa soh ta.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

ISAI 48:2

Namôsasyh ta khihpi pathaihpa â tah ei chi ta, Pheisaihzy Abeipa moh bipa Izarei Khazohpa a ngâchhâpazy saih u, He bie he thei teh u.

ZEREMIAH 32:34

Ei moh a phaohpa o liata ama hmo pasichhihpazy soh ei ta, o cha ama papuapalei.

ZEREMIAH 34:15

Nâmo deikua cha atliata liana khata ro ei chi ta, chyhsa to ta nama vaih châta khotalaina phuahpa ta, ei mohmô liata hmo dopa tao ei chi ta, ei moh a phaohpa o liata ei hmiakô liata biehrai nama tao.

ZEREMIAH 44:9

Châ pathlatuhpazy moleina, Zudâh beizy nata ama lapinôzy moleina, nâmo moleina nata nama lapinôzy ta Zudâh râh nata Zerusale khiliahzy liata moleina hmo ama taopa zy kha nama my khai ha ma?

ZEREMIAH 7:11

He keima moh tlai ta bipa o he, parutuhpazy lôpu hawhta ma nama mo liata a y haw? Pachâ teh u, cha cha keima tlai ta ei hmô haw, Abeipa ta a tah.

ZEREMIAH 7:14

Silô chô liata ei taopa hawhna khata, ei moh ta bipa, he o chô liana chhao he tao aw na ta, nâmo nata châ pathlatuhpazy hnohta su ei cha piepa ei, namâ ngâchhâpa chô liata chhao ei tao aw.

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

EZEKIA 23:29

Châ hao kawpa ta na chô liata hmo taopa ta, na hriapasana theilâpa zydua cha lapa aw ei ta, thluahruapa nata sasaihpa ta ama cha siesaipa ta, nâ zuana na thluahruana hmôpa na châ aw. Aohraohpa ta â zuah chi ta,

EZEKIA 23:37

A phei ha ei ta, ama ku liata thisaih a y haw. Ama khazoh nothlahpazy liata a phei ei ta, keima châta ama sapa ama sawzy taih mei liata raopa ta atheihna ta ama hlâ.

EZEKIA 23:39

Ama khazoh nothlahpazy lâta atheihna ta hlâ awpa ta ama sawzy ama thie noh ta, cha noh lia tlai ta ei supathaihpa papuapalei awpa ta amâ ngia. Pachâ teh, cha hawna chata ei o chhôh liata ama tao tyh.

EZEKIA 33:25

Chavâta ama hnohta reih teh, Abeipa Zehôvâh ta hetana heta a tah: A thisaih chhaota sa nie ei chi ta, nama khazoh nothlahpazy lâ nama mozy uahnaohpa ta, thisaih nama palo tyh. Kheihta ma ei râh cha nama hnei thei aw?

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

EZEKIA 5:11

Chavâta Abeipa Zehôvâh ta hetana heta a tah: Ei hrona reipa ta ei reih. Na puana nata na pasichhihnazy ta ei supathaihpa na papuapaleipa vâta, ei cha chhawh pathlah ha aw. Ei mo ta cha pahlôh leipa aw ta, cha ngiachhie aw va na.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

ZEPHANIA 1:5

Avâ liata hmozy vâphuh tawhta a chhy tyhpazy Chhawh pathlah aw ei na ta, Abeipa lâta a bôhpa ta bie a taih ha tlô ta, Môleka lâta bie a taih heihpazy Ei chhawh pathlah aw ei.

MALAKHAI 3:15

Tahmâ cha apalaipazy nohlaopa tah pi ta, moleipazy hra ta ama hneirôhpa dei châ leipa ta, Khazohpa pasia ei ta amâ boh thlâh haw,’ nama tah.”

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.

ZAWHÂNA 18:28

Zisu cha Kaiphâ o tawhta râhvaotuhpa o lâ a chhi heih ei ta. Mydi kari châ ta. Zuzy deikua cha râhvaotuhpa o liata a ngia leipa ei ta. Amâ ngia khiahta cha, pathaih leipa châ aw ei ta, Zawpakhô pati ama nie thei lei awpa vâta amâ ngia leipa a châ.