ZEREMIAH 6:29 - Mara Bible RV (BSI)

²⁹ Syuhu ta mei thata hmô ta, Ky cha mei liata a zao khai haw. Moleipazy thypa ama châ leipa vâta, Pathaisana rai cha hraoleipa a châ tyh.

ZEREMIAH 6:29 ပူးပေါင်းရင်းမြစ်များ

BIESOZY 17:3

Pathaisana beih cha tâkâ châta châ ta, Patina mei chhao ngôh châta a châ; Abeipa deikua cha palôh a pasia tyh.

ISAI 49:4

Châhrasala kei ta hetana heta ei chhy: “Hraoleipa ta hriapasapa ta, Khâpa hmah a châ leipa liata ei tha pahryuh na ta, Aruapa liata ei tha ei pahryuh; Chatahrasala ei dona cha Abeipa liata y ta, Ei lymâ chhao ei Khazohpa liata a y.”

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 9:7

Chavâta Pheisaihzy Abeipa ta hetana heta a tah: “Ei phopi cha pathaisa aw ei na ta, Ei pasia aw ei. Cha hawhta tao thlâh ha leipa ta cha, Ei phopi châta khâpa hropa ma ei tao aw tly?

EZEKIA 24:12

Cha hawhta taopa chhao ta, a upa cha sia hlei leipa ta, mei chhao ta pasia thei vei.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

1 PITY 1:7

Chatanachata pasiapa ta a ypa namâ ngiapâna cha, mei ta pasiapa ngôh hlâta sôh viapa ngiapâna hmeiseihpa a châzie a lâ aw ta, Zisu Krista â vaw luah tita reithaina nata palyupalihna nata rônahna zy nama to aw.

1 PITY 4:12

Kho ngaitapa saih u, pasiana ru ngaitapa a tyhpa ta pasa nama tao tita, nama chô liata hmo a tlôpa cha noâh tah khuh vy.

RYUREITUHPAZY 17:4

Mikâ ta tâkâ cha a nô a pie nahta, a nô ta tâkâ tlaw 200 la ta, tâkâ daihtuhpa pie ta, tâkâ daihtuhpa ta, cha tâkâ cha hmâpa ta nothlahpa khaipa nata nothlahpa leihpa tao ta. Chazy cha Mikâ o liata y ta.