ZEREMIAH 6:28 - Mara Bible RV (BSI)

²⁸ Ama zydua ta palôh laipa nata chhorupa châ ei ta, Chyhsa a reipachhie thaipazy a kao tyhpa ama châ. Dawh nata thua châ ei ta, Avyuhna a taopazy ama châ.

ZEREMIAH 6:28 ပူးပေါင်းရင်းမြစ်များ

HLAZY 14:1

Ahrupa ta ama palôh liata, “Khazohpa y vei,” a tah tyh. Avyuhna tao ei ta, Hmo pasichhihpazy tao ei ta, Hmo pha a taopa rai y veih ei.

HLAZY 50:20

A tyuh chi ta, na unawhpa reipasipasua chi ta, Na nô sawchapawpa cheingei na reipachhie.

BIESOZY 10:18

Ahaona a phihtuhpa cha hmao haihthaipa hnei ta, Kyh reina bie a papuapa cha ahrupa a châ.

ISAI 31:6

Hy Izarei sawzy saih u, thata nama chakhia hapa lâ kua heih teh u.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 5:23

“Châhrasala he phopi he palôh kuhchhapa châ ei ta, Chhorupa ama châ; Lâpi tlei ei ta ama sie nano syulyu haw.

ZEREMIAH 6:30

Abeipa ta a dytha hapa vâ ei ta, Tâkâ sôh leipa tahpa ama châ aw.”

ZEREMIAH 7:28

Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

EZEKIA 2:7

Saw chhorupazy châ ei ta, ama nathlie tlyma, nathlie vei tlyma, ei biezy he ama hnohta na rei awpa a châ.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

THEIHTHAINA 14:43

“Alôzy thy khai tawh chhao ta nata o cha hao khaipa ta pamih pathi khaipa a châ tawh chhao ta, o liata hri a vaw pua heih khiahta cha,

THEIHTHAINA 19:16

Chyhsa kyh reipa ta na chiheihzy hry liata nâ khie awpa châ leipa ta, na vaih hrona châta chichhihpa bie nâ duakhei awpa châ vei. Kei he Abeipa ei châ.

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.