ZEREMIAH 6:16 - Mara Bible RV (BSI)

¹⁶ Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

ZEREMIAH 6:16 ပူးပေါင်းရင်းမြစ်များ

1 ABEIZY 8:36

vârâh tawhta vaw nathlie la, châ chakaotuhpa na phopi Izarei sawzy moleina cha a ngiahthai mah y. Lâpi dopa a chhih awpa ta âmo cha pachu la, ryuto châta na phopi na piepa râh liana he avâ pasuasa heih tyh mah y.

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ISAI 28:12

Ama hnohta, “He he apahâna châ ta, Thachhâpazy cha pahâsa teh u; He he tha a padâh nawpa su a châ hih,” tah ta, Châhrasala nathlie khoh veih ei.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 46:9

Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.

ISAI 57:2

Thlalôhna liata â ngia hapa tlao a châ. Â dopa ta a hrohpazy cha, Ama rakhô liata thlalôhpa ta amâ zia tyh.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

ZEREMIAH 18:12

“Châhrasala âmo ta, ‘Cha cha phahnaina hnei vei! Keimo pachâpa hawhta y aw pi ta, chyhsa to keimo palôh chhorupa moleina hawhta eima tao aw,’ ama tah haw.

ZEREMIAH 18:15

Ei phopi deikua cha na my ei ta, Hraoleipazy lâta atheihnazy ama hlâ tyh. Chazy chata ama lâpizy liata pahluasa ei ta, Lâ hlô zy liata a pahluasa ei. Lâlai a chhih khao leipa ta, Lâkiahzy liata ama sie.

ZEREMIAH 2:25

Phei ruapa ta na y awpa pasaih leipa la, Na rao a hi awpa pasaih khah y. Châhrasala, “Hnabeiseihna y khao vei, Chihropazy vâia ha ei na ta, Âmo tlao ei pazi lâlao aw ei,” tah chi ta.

ZEREMIAH 22:21

Huhiehpa ta na y nota bie châ chho na ta, Châhrasala, ‘Nathlie aw va na,’ na tah haw. Ei bie na nathlie khoh leipa he, Na thyutlia no tawhta na hrozie a châ.

ZEREMIAH 31:21

“Lâpi ngianazy a tao la, Lâpi pahnona tôhzy a bô teh; Lâlai cha a phapa ta ngia la, Lâpi nâ chhihpa cha a phapa ta ngia mah y. Hy Izarei laihsa kôpa, vaw kua la, Na khihpizy lâ he vaw kua ha mah y.

ZEREMIAH 42:3

Chavâta Abeipa na Khazohpa ta eima si nawpa lâpi nata eima tao awpa hmozy miah a pahmô thei nawpa ta, thlah miah chhâpa mah y,” tah ei ta.

ZEREMIAH 44:16

“Eima hnohta Abeipa moh ta bie na reipazy kha, cha nathlie aw ma pi.

ZEREMIAH 50:5

“Zaio lâpi hiahri aw ei ta, Zaio lâ hmiachhypa ta, ‘A vy teh u, Chhâzaw biehrai my khao lei awpa tao sih la, Abeipa cha a zao ei suh u,’ ama tah aw.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

ZEREMIAH 7:3

Pheisaihzy Abeipa, Izarei Khazohpa ta hetana heta a tah: Nama hrozie nata nama hmotaopazy liata a taopathi u la, chatanachata he su liata ei cha pahrâsa aw ei.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

LUKA 16:29

Abarahâ ta, ‘Mawsi nata hrohsopazy ama hnei mâh tâh. Âmo bie nathlie mawh ei sy,’ tah ta.

ZAWHÂNA 12:35

Zisu ta ama hnohta, “Khaihpa cha buakhata nama hry liata a y chy. Khaihpa nama hnei chhôh heta charei teh u, chataleipatala zohna ta a cha pachhai pathlei aw ei. Zohna liata a chareipa cha a sie nawpa pahno vei.

ZAWHÂNA 13:17

Cha hmozy cha nama pahno khiahta cha, tao u la nama nohlao aw.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

RAWMA 4:12

Chopawtaipazy chhao chopawtai thlâhthlipazy châ leipa ta, miah pathlatuhpa Abarahâ chopawtaipa a châ hlâta â ngiapâna pheihnie a pazituhpa ama châ thei nawpa ta, ano cha chopawtaipazy paw ta taopa a châ hra.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

HEBRAI 11:2

Cha ngiapâna vâna chata hlâno chyhsazy kha reithai ama hlao tyh.

HEBRAI 6:12

Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.

RYUREITUHPAZY 2:17

Chatanachôta ama ryureituhpazy bie nathlie khoh leipa ei ta, khazoh hropazy liata a phei ei ta, khazoh hropazy a chhy ei ta, ama pathlatuhpazy ta Abeipa biepiepazy zyhpa ta a lâpi amâ chhih tyhpa cha thlai ta tleisai ei ta, tao khao veih ei.