ZEREMIAH 6:14 - Mara Bible RV (BSI)

¹⁴ Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 6:14 ပူးပေါင်းရင်းမြစ်များ

2 SAMUELA 17:3

Myuh ta myuhneituhpa lâ â dipa hawhta, zawpi zydua nâ lâta ei vaw kuakhei khai aw ei. A hrona na teipa chyhsa pakha thina cha chyhsa zydua vaw kuana châ aw ta, chatanachata chyhsa zydua thlalôhpa ta ama y aw,” tah ta.

ISAI 1:6

Pheipazah tawhta luh taih tlai ta, Pasa khai ha ta; Hmah nata thidôna nata hniahzy ta bie ta, Hniahzy cha pazâpa châ leipa ta, Chahrypa nata sathaw hniapa châ hra vei.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ZEREMIAH 14:13

Chatawhcha kei ta, “Âh, Abeipa Zehôvâh, pachâ tua, hrohsopazy ta ama hnohta, ‘Zaozi a tyh leipa aw ei chi ta, chakâhna y hra leipa aw ta, he su liata thlalôhna tlao ei cha pie aw ei,’ ama tah tyh,” tah na ta.

ZEREMIAH 14:17

“Ama hnohta he bie he na reih awpa a châ: ‘A chhô zâ ta ei mothlih loh sala, Hi beih khah sy. Ei phopi zuah laihsa kôpa cha thata tupa châ ta, Hmah laipa a phaoh ha hih.

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 28:3

Babylaw bei Nebukaneza ta he su tawhta Abeipa hmobaohzy la ta, Babylaw lâ a siekhei hapa zydua kha, kô no chhôh ta he su liata ei vaw tlôkhei heih aw.

ZEREMIAH 4:10

Chatawhcha kei ta, “Hy Abeipa Zehôvâh, he phopi nata Zerusale he dua thata na dôvei haw! ‘Thlalôhpa ta nama y aw,’ tah chi ta, châhrasala ama rao liata zaozi ta mopâpa ama châ ha he zaw,” tah na ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 13:16

Zerusale kyh hrohsona bie phuahpa ta, khihpi thlalôhna kyh aluahna a hmôpa Izarei hrohsopazy y khao veih ei,’ ei tah aw, Abeipa Zehôvâh ta a tah.

EZEKIA 13:22

Chyhsa siapa cha, kei ta a pachâ ei parôhsa leipa chhao ta, haipa bie ta a palôh pasasa ei chi ta, moleipa ku thapatlôpa ta, a hrona pachha nawpa ta lâpi pha leipa â heihsai awpa a byuh leizie nama chhopa vâta,

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

1 THYSALAWNIKA 5:3

Chyhsazy ta, “Thlalôhna nata abohna,” tahpa ta ama rei hai nota, chanô saw zeihpa hawhta eikhapi ta leidiana ama chô liata vaw tlô aw ta, khôkhâh cheita aw veih ei.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.