ZEREMIAH 6:12 - Mara Bible RV (BSI)

¹² Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

ZEREMIAH 6:12 ပူးပေါင်းရင်းမြစ်များ

1 THÂTIHZYRONA 21:16

Dâvi cha mohmia pasaih ta, alei nata avâ likawh liata â duah thlâh hapa Abeipa vâlyuhchâpa hmô ta. A ku liata zaozi â chabapa cha Zerusale chô liata pazawh ta. Dâvi nata machâzy cha latho poh a bupa ta alei liata â khu lâta pao ei ta.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 38:22

Moh teh, Zudâh bei o liata chanô a ypa zydua­ cha Babylaw bei beimachâzy lâta a chhipa châ aw ei ta, chanôzy chata na hnohta, “‘Na viasa phapazy ta cha dôvei ei ta, Ama cha pahnie haw; Tahmâ cha na phei chiatlao liata a taw ha ta, Ama châ heihsai khai ha hih,’ ama cha tah aw.

ZEREMIAH 38:23

Na lapinô zydua nata na saw zydua cha Kaldia mo lâ a chhipa châ aw ei ta, nâma tlai chhao ama ku tawhta pua leipa aw chi ta, Babylaw bei ta cha patu aw ta, nâma vâta khihpi he mei ta raopa a châ aw,” tah ta.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

CHAPHÔHTUNA 2:8

Abeipa ta Zaio sawchanô thokhy cha, Parao khâchâ â chhuah haw; Thliena ri parai ta, Parao awpa tawhta a ku pako vei; Thokhy nata a dôh pachhuahnazy mâchhie pasasa ta, Thazeipa ta ama y khoh.

CHAPHÔHTUNA 3:3

Ei chô liata a ku hy ta, Noh y ta a hy chanei ngâ thlâh haw.

CHAPHÔHTUNA 5:11

Zaio liata chanôzy patupakhi ei ta, Zudâh khihpizy liata laihsazy ama patupakhi.

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

CHAPHÔHTUNA 5:3

Hârapazy nata paw hnei leipazy châ ha pi ta, Eima nôzy chhao nôhmei hawhta ama châ haw.

EZEKIA 35:3

hetana heta chho teh, Abeipa Zehôvâh ta hetana heta a tah: Hy Seirâ Tlâh, moh teh, ei châ dyuh hih. Na chô liata ei ku hy aw na ta, roryhrapa nata a rypa ta ei cha tao aw.

EZEKIA 7:24

Ama ozy chhu awpa ta, phopizy hry liata phopi chhie chaipa ei vaw chhi aw. Thatlôpazy apalaina pachhâsa aw na ta, ama su pathaihpazy papuapaleipa a châ aw.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

ZEPHANIA 1:13

Ama hmozy hraopa châ aw ta, Ama ozy a rua aw. Ozy sa hra ei sala, Cha liata pahrâ aw veih ei; Kre sadôzy tao hra ei sala, A kresawhti doh aw veih ei,” Abeipa ta a tah.

ZEPHANIA 1:4

“Zudâh chô liata ei ku hy aw na ta, Zerusale khihsawzy chô liata ei ku ei hy aw. Bâlâ laibâhpazy cha, He su tawhta chhawh pathlah aw ei na ta, Nothlahpa theihthaipa mohzy chhao, A theihthaipazy chhaota ei chhawh pathlah khai aw ei.