ZEREMIAH 6:1 - Mara Bible RV (BSI)

¹ Hy Benzami pathlazy saih u, Abohna su lâ a râ u la, Zerusale tawhta pua teh u! Tekô liata chiahmie tô u la, Behakere liata ngiana poh chaluah teh u! Maw lâ tawhta chhiena vaw pua ta, Raona rarôh y ngaitapa a vaw pua.

ZEREMIAH 6:1 ပူးပေါင်းရင်းမြစ်များ

2 SAMUELA 14:2

Chavâta Zôabâ ta Tekô khih lâ chyhsa tuah ta, cha liata chanô sopa pakha kei palasa ta, a hnohta, “Mâchhiesapa hawhta y pakhei la, mâchhiesana poh a bu la, sathaw chhao a thu khah y. Athipa châta bohpi mâchhie a sapa chanô hawhta y la,

2 THÂTIHZYRONA 11:6

Bethlehe, Etamâ, Tekô,

NEHEMIAH 3:14

Rekhâ sawchapawpa, Behakere bia ryureituhpa Mâkia ta Hnaihny Chhikao taopathi ta. Chhikao cha paduapathi ta, a ochhizy, a hrainazy nata a lâhreizy a tao.

NEHEMIAH 3:5

Âmo pazipa ta Tekô mo ta ama taopathi. Châhrasala Tekô nôpawzy cha ama Beipa rai hria awpa a chhuah veih ei.

ZEREMIAH 10:22

Nathlie tua u, bie pathâhpa vaw tlô ta, Maw lâ râh tawhta tyhreihna rarôh ypa a vaw pathâh hai. Zudâh khihpizy roryhrapa ta paysapa ta, Savaizy pahrâna ta tao awpa ta a vaw pathâh.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:29

Arâ pheisaihzy nata likathaipazy pyu vâta, Khihpi to amâ râpai haw. Râhmâhpazy liata a ngia ei ta, Lôpanôzy ama kiah. Khihpi zydua siesai khai hapa châ ta, A chhôh liata a pahrâpa y khao veih ei.

ZEREMIAH 6:22

Abeipa ta hetana heta a tah: “Moh teh u, maw lâ râh tawhta phopi miakha a vy ta, Alei su chhâna tawhta phopi rônahpa a vaw thyu.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

AMÔSÂ 3:6

Khihpi liata chiahmie tô ei sala, Zawpi chi leipa ta ama y aw ma? Abeipa ta a patlôsa leipa ta, Khihpi liata chhiena a vaw tlô aw ma?”

ZEKARIA 6:6

Arâ vyhpa talailih kha maw râh lâ sie ta, arâ râhpa talailihzy ta âmo cha pazi ta, arâ peipa a chapaipa talailih cha chho râh lâ a sie,” tahpa ta nâ chhy ta.

ZAWSUA 15:63

Zerusale liata a pahrâpa Zebu mo deikua cha, Zudâh pathlazy ta papua thei veih ei. Chavâta Zebu mo cha tanoh taihta Zerusale liata Zudâh pathlazy nata hmaohkha ta ama pahrâ.

RYUREITUHPAZY 1:21

Benzami pathlazy deikua, Zerusale khih liata a pahrâpa Zebu mo papua veih ei. Chavâta Zebu mo cha tanoh taihta Zerusale liata Benzami pathlazy nata hmaohkha ta ama pahrâ lymâ.