ZEREMIAH 52:6 - Mara Bible RV (BSI)

⁶ Thla palihna, noh chakina noh ta khihpi liata chakâh mozoh vaw tlô pathao ta, râh zawpizy châta niedo rai y khao leipa ta.

ZEREMIAH 52:6 ပူးပေါင်းရင်းမြစ်များ

2 ABEIZY 25:3

Thla palihna, noh chakina noh ta khihpi liata chakâh mozoh vaw tlô ta, râh zawpizy châta niedo y khao leipa ta.

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 19:9

Ama sawchapawzy nata ama sawchanôzy sa paniesa aw ei na ta, ama chariahpazy nata ama hrona la a chhuahpazy ta dôh aw ei ta, nôpopa ta ama paysa tita, mo to ta ama vaihzy sa ama nie aw.’

ZEREMIAH 21:9

He khihpi chhôh liata a ypazy cha zaozi ta tlyma, chakâhna ta tlyma, potlana ta tlyma thi aw ei ta, châ dôhtuhpa Kaldia mo lâ puapa ta âmo ku liata â piepazy deikua cha, hroh aw ei ta, hraona sôh hawhta pachâpa ama châ aw.

ZEREMIAH 25:10

“Cha dei châ vei, alyna nata thaphana pyuzy, myuhneituhpa nata myuh aozy, sâh chariehna pyu nata meiôh khaihna zy âmo tawhta ei la khai ha aw.

ZEREMIAH 37:21

Chatanachata Bei Zedekia ta biepie ta, Zeremiah cha abei o vaituhpazy dôhpachhôh tlyhmia liata patâh ei ta. Khihpi liata viahchhâ a chhâ hlâlei cha, viahchhâ taotuhpazy lâpi liata ama taopa viahchhâ cha noh chareih ta tlâ kha lymâ pie ei ta. Cha hawhna chata Zeremiah cha vaituhpazy dôhpachhôh tlyhmia liana chata y thlâh ha ta.

ZEREMIAH 38:9

“Ei zibeipa abei y, he chyhsazy ta hrohsopa Zeremiah khaohtlô liata ama pathlapa he, hmo pha lei ngaitapa ama taopa a châ. Khihpi liata viahchhâ y khao tlôh leipa ta, chavâta Zeremiah cha nodipa ta cha liata a thi aw mâh tâh,” tah ta.

ZEREMIAH 39:2

Zedekia abeina kô hrawh hleikhana, thla palihna, cha thla noh chakina noh ta, khihpi thokhy cha su kha liata pacho thei ha ei ta.

CHAPHÔHTUNA 1:11

A khihsaw zydua a hrô ei ta, Viahchhâ ama tlua; Ama hro a pazao nawpa ta, Ama ryusôhpazy niedo ta ama ri. “Hy Abeipa, pachâ la, moh tua, Mohnaopa ta ei y ha hih.”

CHAPHÔHTUNA 5:10

Eima vozy cha chakâh noh lopa vâta, Lômathu hawhta a saih khai haw.

EZEKIA 14:13

“Chyhsa sawchapawpa y, râh cha ngâchhih leipa ta ypa ta ei chô liata hmo a paraopa vâta, a chô liata ei ku hy aw na ta, niedo lana hnawh chhiepa ta, râh liata chakâhna patlôsa aw na ta, chyhsapa nata sazy râh tawhta ei chhawh pathlah khai ha tita cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 31:1

Ko hrawh hleikhana, thla thôhna, noh khana noh liata, Abeipa bie ei hnohta vaw tlô ta:

EZEKIA 5:16

Chakâhna nata raona châtai chichhih ngaitapazy ta ei cha ka ti ei ta, cha pahleipadia awpa ta cha ka aw ei na ta, nama chô liata chakâhna patlôsa via rili aw na ta, nama niedo hmôna hnawh ei chhie ha aw.

EZEKIA 7:15

Khôtho lâ zaozi y ta, a chhôh liata potlana nata chakâhna a y. Lyurâhpa liata a ypa cha zaozi ta thi aw ta, khihpi liata a ypa cha chakâhna nata potlana ta a palâ aw.

THEIHTHAINA 26:26

Nama viahchhâ lana lâpi ei chhie pachhô tita cha, chanô pahrawh ta viahchhâ taona beih miakha liata nama viahchhâ tao aw ei ta, nama viahchhâ cha khopathliahpa ta ama cha pie heih aw. Nie aw ei chi ta, nama rih bie hlei aw vei.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

RYHPACHANEINA 32:24

Nodipa ta thi aw ei ta, Potlana rarôh ypa ta palâ khai aw ei ta, Hriiah chichhihpazy ta a palâ khai aw ei. Râhsa naoh seihpa zy âmo lâ tuah aw na ta, Dohlei liata alyhpa châmaih hneipa sazy âmo lâ ei tuah aw.