ZEREMIAH 52:4 - Mara Bible RV (BSI)

⁴ Zedekia â beina kô chakina, thla hrawhna, noh hrawhna noh liata, Babylaw bei Nebukaneza cha a pheisaih zydua chhaota Zerusale siehnao ta. Khihpi cha dôh ei ta, khihpi dôhna diasuazy tao ei ta.

ZEREMIAH 52:4 ပူးပေါင်းရင်းမြစ်များ

ISAI 29:3

Khihpi padôpa ta riehmozy cha paryh thlu aw na ta, Thokhy a sâhpazy ta cha dôhkhâh aw na ta, Dôhna diahsuazy ei cha chhôh khâh aw.

ZEREMIAH 21:2

“Babylaw bei Nebukaneza ta miah â dyuh ha hih. Abeipa miah a saohiahpa teh. Hmo noâhpa a tao tyhpa Abeipa ta miah bao aw ta, Nebukaneza he a pakuasa thlah ha ngyu aw lah,” tahpa ta a pachhosa no ei ta Zeremiah hnohta Abeipa bie a vaw tlôpa a châ.

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 34:1

He he Babylaw bei Nebukaneza nata a pheisaih zydua nata a ryureina ry liata a ypa khizaw khinarâh zydua nata phopi zydua ta Zerusale nata a khihpi zydua amâ dyuh hai nota, Abeipa tawhta Zeremiah hnohta bie a vaw tlôpa a châ.

ZEREMIAH 39:1

Zudâh bei Zedekia abeina kô chakina, thla hrawhna liata, Babylaw bei Nebukaneza nata a pheisaih zydua ta Zerusale za siehnao ei ta, khihpi cha dôh ei ta.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 52:7

Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.

EZEKIA 21:22

Zerusale châta pachaona cha a chachâh lâta vaw tlô ta, thokhy paraona tao awpa zy, thie awpa ta biepie awpa zy, adyuhna hladyuh pathluah awpa zy, thokhy chhikao paraona tao awpa zy, thokhy parao nawpa ta alei pathlu thlupa ta, khihpi dôhna diahsua chhôh awpa kyh zy a vaw tlô.

EZEKIA 21:27

Raona, raona, raona ei tao aw. Châhrasala paraotuhpa a vaw tlô hlâlei cha, paraopa châ mâh aw vei. A vaw tlô tita paraotuhpa hnohta ei hlâ aw.

EZEKIA 26:8

Râh liata na sawchanôzy zaozi ta thie khai aw ta, diahsua ta a cha dôh aw. Na thokhy alei pathlu thlu aw ta, vyhphao lai ngaitapazy a cha padua khâh aw.

EZEKIA 33:21

Seichâna lâ eima siena kô hrawh hleinona, thla hrawhna, noh pangawhna noh liata, Zerusale tawhta a râpa chyhsa pakha kei lâ a vy ta, “Khihpi a rao haw,” tahpa ta na chho ta.

EZEKIA 40:1

Eima seichâna kô kih nata kô pangawhna, kô thaona lâ, noh hrawhna, khihpi a rao tawhta kô hrawh hleipalihna, cha noh lia tlai ta, Abeipa ku ei chô liata vaw y ta, khihpi lâ nâ chhi ta.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

LUKA 19:43

Na chariahpazy ta diahsua cha dôhkhâhpa ta, cha chadô aw ei ta, su to tawhta ama châ dyuh nawpa nohzy a vaw tlô hai.

LUKA 21:20

“Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.