ZEREMIAH 52:3 - Mara Bible RV (BSI)

³ Abeipa pathiiana vâta, a mohmô tawhta papua hana taihta, Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

ZEREMIAH 52:3 ပူးပေါင်းရင်းမြစ်များ

ÂTHAONA 4:14

Moh teh, tanoh he chhaohlei tawhta na papua ha chi ta, na mohmô tawhta nyupa ta y aw na ta, alei chô liana heta leilôpa nata viavipa châ aw na ta, nâ hmôpa maihta eina thie aw ei,” tah ta.

ÂTHAONA 4:16

Chatawhcha Kainâ cha Abeipa mohmô tawhta pua ta, Idâh nochhi lâta Nawdâ râh liata pahrâ ta.

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

1 ABEIZY 10:9

Na chô liata a ly ta, Izarei beidyuchhai liata châ patyutuhpa Abeipa na Khazohpa cha reithaipa ta y maw sy! Abeipa ta Izarei he chhâzaw ta kyhpachâ ta, chavâta adona nata siana ta ryu na reih thei nawpa ta bei ta a cha tao hih,” tah ta.

2 ABEIZY 17:18

Chavâta Abeipa cha Izarei chô liata a pathi ia ngaita ta, a mohmô tawhta a papua ha ei. Zudâh chi tah leipa ta cha pahlôhpa y khao veih ei.

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 24:20

Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

EZRÂ 4:15

Châ pathlatuhpazy thâtih rona châbu liata vaw tlua tua awpa ta eima châ haw. He khihpi he chhorupa nata beizy nata râhzy châta tymâna a tlôkhei tyhpa khihpi châ ta, hlâno tawhta abei a dyuh awpa ta a thyu tyhpa khihpi a châzie thâtihzy rona châbu liata na hmô aw. Cha vâna chata he khihpi he roryhrapa ta a y hapa a châ.

BIESOZY 28:2

Râh ta hmo a parao nahta, Ryureituhpa hluhpi vaw pua tyh ei ta; Pahnona nata novâhna a hneipa ryureituhpa ry liata deikua cha, Râh â ipa ta bohpi â duah tyh.

BIECHHOTUHPA 10:16

Hy râh, na bei châta sei hnei chi ta, Na beimachâzy my ta kyh a chhi tyhpa râh y, Na hu a po na!

ISAI 19:4

Izi mo cha zibeipa nôchhiepa ku liata pie aw na ta, Bei a hrâhpa ta ama chô liata ryu a reih aw, Pheisaihzy Abeipa Zehôvâh ta a tah.

ISAI 3:1

Moh tua u, Pheisaihzy Abeipa Zehôvâh ta Zerusale nata Zudâh apahniehnazy a la khai ha hih; Niedo zydua la khai ha ta, Ti zydua a la khai haw.

ISAI 36:5

Bie thlâhthlipazy cha a dyuhzie thaina nata hmotaotheina hawhta ma na pachâ? Ahy a ngâchhâ chi ta ma, tahmâ einâ dyuh chi?

ZEREMIAH 15:1

Abeipa ta ei hnohta, “Mawsi nata Samuela chhao rai ei hmiakô liata a vaw duah hra ei sala, ei phopi lâ heta ei palôh a heih hlei aw vei. Âmo cha ei mohmô tawhta papua la, sie syulyu ha ei sa!

ZEREMIAH 7:15

Nama unawhpa Epharai chipathla zydua ei thy khai hapa hawhna ei khata, ei mohmô tawhta ei cha thy pathlah aw ei,” Abeipa ta a tah.