ZEREMIAH 52:27 - Mara Bible RV (BSI)

²⁷ Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.

ZEREMIAH 52:27 ပူးပေါင်းရင်းမြစ်များ

2 SAMUELA 8:9

Dâvi ta Hadâdeze pheisaih zydua a pahnie khai hapa thâtih Hâmathi bei Tôi ta a thei nahta,

2 ABEIZY 17:20

Chavâta Abeipa ta Izarei pathla zydua cha dytha ta, ama rie patheipa ta, hraotuhpazy ku liata hlâpa ta, a mohmô tawhta a thy pathlah ha ei.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

2 ABEIZY 23:27

Abeipa ta, “Izarei ei papuapa hawhta Zudâh chhao ei mohmô tawhta papua aw na ta, khihpi ei tlyhpa, Zerusale nata ‘cha liata ei moh a y aw,’ ei tahpa Achhyna o chhao he hnôh ei chhy aw,” tah ta.

ISAI 24:3

Alei he tlokhuh parua khaipa châ aw ta, Tlokhuh parao khaipa a châ aw; Cha bie cha Abeipa ta a reih haw.

ISAI 27:10

Thokhy khihpi cha roryhrapa ta y ta, Khih hnypa nata puasaipa châ ha ta, Râhchawhpa a lyu bâ. Cha liata viahchaotaw a lao bâ ta, Cha liata a byupa ta, A thochiah hnazy a pahrie tyh.

ISAI 43:28

Chavâta supathaihpa chhituhpazy cha, Nohzaopa ta ei tao aw ei; Zakaw cha tlokhuh parao awpa ta hlâ na ta, Izarei cha thata reipachhie awpa ta ei tao haw.”

ZEREMIAH 13:19

Neke khihpizy khawpa châ ei ta, A pahy awpa y veih ei; Zudâh pôhpalôhpa sei ta a chhipa châ ei ta, Ama siekhei khai haw.

ZEREMIAH 20:4

Abeipa ta hetana heta a tah: Pachâ teh, Nâma châta nata na viasa zydua châta chichhihpa ta ei cha tao aw. Âmo cha eina moh thlâh ha no ei ta, ama chariahpazy zaozi ta ama pao aw. Zudâh mo zydua cha Babylaw bei ku liata hlâ khai aw ei na ta, Babylaw lâ sei ta a chhi aw ei ta, zaozi ta a thie aw ei.

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 39:10

Pheisaih hyutuhpa Nebuzarâdâ ta khâpa hmah a hnei leipa chyhsa sipasapa thokhazy cha, Zudâh râh liata siesai ta, kre sadôzy nata lyuzy a pie ei.

ZEREMIAH 39:9

Pheisaih hyutuhpa Nebuzarâdâ ta khihpi liata chyhsa a nguapazy, ano lâ a râpazy nata chyhsa hropa zydua cha Babylaw lâ sei ta â chhi khai ha ei.

ZEREMIAH 52:9

Kaldia mo ta Bei Zedekia cha patu ei ta, Hâmathi râh Riblâ khihpi liata Babylaw bei lâ a chhi ei ta, cha liata a thâtih pachia ta.

EZEKIA 33:28

Râh cha roryhrapa nata a rypa ta tao aw na ta, â palaikhei kawpa a thatlôna chhao ei pachhâsa ha aw. Izarei tlâhpizy cha roryhrapa ta ama y awpa vâta, ahy hmahta chapia khao aw veih ei.

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 4:26

nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.