ZEREMIAH 52:17 - Mara Bible RV (BSI)

¹⁷ Abeipa o liata dawh tôhzy nata patyunazy nata dawh tipâh Abeipa o liata a ypazy cha, Kaldia mo ta pakeichheih ei ta, dawh zydua cha Babylaw lâ ama siekhei haw.

ZEREMIAH 52:17 ပူးပေါင်းရင်းမြစ်များ

1 ABEIZY 7:50

ngôh suapa ta taopa nyuzy, meiôh lao chakienazy, biebuhzy, ropahâhpa beihkohzy nata mei lanazy a tao. Achhyna o chhôh chaipa, Su Pathaih Chaipa lâ angiana nata Achhyna ochhôh pipa lâ angiana ochhi patunazy chhao ngôh ta a tao khai.

2 ABEIZY 20:17

Pachâ teh, na o liata a ypa zydua nata châ pathlatuhpazy ta tanoh taihta ama vaw pachôpakhypa hmo zydua Babylaw lâ ama siekhei nawpa nohzy a vaw tlô hai. Khâpa hmah pahlôhpa châ aw vei, Abeipa ta a tah.

2 THÂTIHZYRONA 36:18

Khazohpa o liata hmobaoh zydua, a laipa chhao, a chyhpa chhao, Abeipa o liata sôh sopakhypa zydua, abei sôh nata a beimachâzy sôhzy taihta Babylaw râh lâ a siekhei khai haw.

ZEREMIAH 52:20

Bei Sawlawmaw ta Abeipa o châta dawh ta a taopa atôh miano, tipâh miakha, tipâh ry liata viahchao tôhpa pô hrawh hleino nata patyunazy cha, amâ hrina ziepa pathliah tiah awpa châ veih ei.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

EZEKIA 40:49

A aikah cha a doh la dy kih châ ta, a hâ lâ dy hrawh hleino a châ. A kiana kahmi cha chhâhchabi mia hrawh a hnei. Pâhchhô chatipazy thaby chavei chachâh ta atôhzy a y.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.