ZEREMIAH 52:11 - Mara Bible RV (BSI)

¹¹ Zedekia cha a mozy thaoh ta, bâliazy ta buh ta. Babylaw bei ta Zedekia cha Babylaw lâ siekhei ta, a thi noh tlôna taihta patâhna o liata khô ta.

ZEREMIAH 52:11 ပူးပေါင်းရင်းမြစ်များ

ZEREMIAH 21:7

Cha hnôhlâ ta Abeipa ta Zu­dâh bei Zedekia nata a chakaotuhpazy nata potlana nata zaozi nata chakâhna ta a thi leipa he khihpi chyhsazy cha, Babylaw bei Nebukaneza ku liata nata ama chariahpazy ku liata nata âmo thie a chhuahpazy ku liata ei hlâ aw ei. Zaozi tiahpa ta âmo cha thie aw ta, ngiachhie leipa aw ta, pahlôh hra leipa aw ta, zawh a ngiah hra aw vei, Abeipa ta a tah.’

ZEREMIAH 39:7

Zedekia cha a mozy thaoh ta, Babylaw lâ a chhi awpa ta bâliazy ta chahry ta.

CHAPHÔHTUNA 2:6

A byureih cha sadô ruapa hawhta parua ta, A poh o a parao haw; Abeipa ta Zaio cha, Kyhchhi nata Pahânoh zy pamysa ta; A ruchhôna ru ngaitapa ta Abei nata theihthaipa zy a thy ha ei.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:16

“‘Ei hrona reipa ta ei reih. Bei a pachâsapa abei pahrâna su Babylaw lâ sie aw ta, a bietai a papeisa leipa nata a biehrai a paraopa bei yna Babylaw râh liata a thi aw, Abeipa Zehôvâh ta a tah.

EZEKIA 23:24

Chariah chhaichhizy, talailihzy, talailih tiaki miapalihpazy nata phopizy tawhta pheisaih hluhpi hmâpa ta ama cha siehnao aw. Vyhphao laipa nata vyhphao chyhpazy a chabapa ta nata lakhuzy a khupa ta su to tawhta cha vaw siehnao aw ei ta, pachia theina ama hnohta pie aw ei na ta, âmo pachiazie hawhta ama cha pachia aw.