ZEREMIAH 51:9 - Mara Bible RV (BSI)

⁹ Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

ZEREMIAH 51:9 ပူးပေါင်းရင်းမြစ်များ

2 THÂTIHZYRONA 28:9

Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

EZRÂ 9:6

“Hy ei Khazohpa y, nâ lâ a vaw heih awpa he ei noza ta ei hmia a chhie kaw dia. Hy ei Khazohpa, eima paraonazy cha eima luh hlâta a sâh via ta, eima thaileichâna ta avâ a kaw daih haw.

ISAI 13:14

Sakhih amâ chadaipa hawhta, Chyhsa to ama chiheihzy lâ a heih aw ei ta, Pahmaohtuhpa a hnei leipa mietaku hawhta, Chyhsa to ama râh chyu lâta amâ râpai aw.

ISAI 47:15

Na rie nâ vaw pathei tyhna hmozy cha, Cha hawhna chata na châta châ aw ei ta, Na hawtita tawhta sôh na palie lâhpazy chhao, Cha hawhna chata na châta ama châ hra aw. Âmo lâpi chyu liata viavi ei ta, Châ pachha thei awpa ahy hmahta y veih ei.

ZEREMIAH 46:16

Abeipa ta chyhsa hluhpi chakhosa ta, Amâ pao thlu hôlô. ‘Thyu ei sih la, eima phopi lâ kua sih la, Eima pina râh lâ kua ha ei suh u, Tlybaituhpazy zaozi eimâ tyh hih,’ ama tah.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

ZEREMIAH 50:16

Chi hietuhpa cha, Babylaw tawhta chhawh pathlah u la; Savâ ta sâh a hria tyhpa chhao, Chhawh pathlah teh u. Tlybaituhpa zaozi vâta, Chyhsa to âmo phopi chyu pangai ei sala, Âmo râh chyu lâta a râ mawh ei sy.

ZEREMIAH 8:20

“Sâh hria daihti khô ha ta, Nopi daihti a chhâ haw; Châhrasala pachhapa châ to ma pi,” Ei phopi zuah ta a tah.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

BIEPHUAH 18:4

Chatawhcha avâ tawhta ao hropa thei na ta, ao chata, “Hy ei phopi, Ano tawhta vaw pua teh u; Chataleipatala a moleinazy liata a hlao pathlei aw ei chi ta, A potlana liata namâ hlao pathlei aw na.

BIEPHUAH 18:5

A moleinazy avâ taihta a pacho ta, A paraonazy Khazohpa ta â thei thlâh haw.