Pachâ teh, arâ a kiahpazy a vy ei ta, Arâ pheisaihzy a bao bao ta amâ vy,” tah ta. Riahvaituhpa lilaw chata, “A pao haw, Babylaw cha a pao haw, A khazoh nothlahpa zydua cha, Alei liata a taichheih khai haw,” Tahpa ta a chhy ta.
Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.
He hmo mianopazy heta, Movi hlâta cha vaw tlô thlu aw ta, Noh kha chhôh ta a cha vaw tlô thlu aw: Dyu hluhpi hmâpa ta, Pachaona hmotaothei ngaitapazy ta pachao hra la, Sawzy pahleina nata nôhmeina zy ta Rarôh ypa ta a cha vaw tlô thlu aw.
Hy Izi sawchanô laihsa kôpa y, Kilia lâ khy la, sathaw thohna a kaw la teh! Thohna hluhpi hmâh ha chi ta, Châhrasala hraoleipa sai châ ei ta, Na châta tlâhna rai y vei.
“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.
Na hmah ru ngaita ta, Na pasana pahua nawpa y vei; Na thâ a theipa zydua ta Ama ku ama cha chabaih chie. Chhiena na taopa chhâ beih leipa vâta, Pasa a tao leipa ahy ma a y?
Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.
Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.