ZEREMIAH 51:62 - Mara Bible RV (BSI)

⁶² ‘Hy Abeipa y, he su kyh liata, chhawh pathlahpa châ aw ta, chyhsapa tlyma râhsa tlyma, khâpa hmahta pahrâ khao leipa ta, chhâzaw ta roryhrapa ta a y awpa kyh na rei hapa kha a châ,’ tah mah y.

ZEREMIAH 51:62 ပူးပေါင်းရင်းမြစ်များ

ZEREMIAH 25:12

Kô sysari a tloh nahta, Babylaw bei nata a râh, Kaldia mo râh cha, ama moleina vâta hrie aw na ta, râh cha chhâzaw ta roryhrapa­ta ei paysa aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 33:12

“Pheisaihzy Abeipa ta hetana heta a tah: Chyhsapa nata râhsa y leina, he roryhrana su nata a khihpi zydua liana heta, mietaku vaituhpazy pahrâna suzy y heih aw ta, ama mietaku zawzy ama pabyusa heih aw.

ZEREMIAH 50:12

Nama nô cha noza ngaitapa ta y aw ta, Châ satuhnô cha nohzaopa ta a y aw. Pachâ teh u, phopizy hry liata Nawh chaipa a châ aw; Râh chawhpa nata râh raohpa châ aw ta, Sadi by lâta â lie aw.

ZEREMIAH 50:13

Abeipa hiehâhna vâta râh cha, Pahrâpa châ khao leipa aw ta; Tlokhuh roryhrapa ta y aw ta, Babylaw a chapiapa maihta rarôh y ama tah aw; A hmah zydua vâta Ama hmao ama tô chie aw.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 51:43

A khihpizy roryhra khai ha ta, Râh raohpa nata râhchawhpa lâta amâ lie haw; Chyhsa pahrâ leina râh châ ha ta, Chyhsa saw chapia leipa râh lâta â lie haw.

ZEREMIAH 51:61

Zeremiah ta Seriah hnohta: “Babylaw na tlô tita, he bie zydua he reih tlai la,

EZEKIA 35:9

Roryhrapa ta y kôzaw awpa ta cha tao aw na ta, na khihpizy liata chyhsa pahrâ khao aw veih ei. Chatanachata kei he Abeipa ei châ tahpa nama pahno aw.