ZEREMIAH 51:58 - Mara Bible RV (BSI)

⁵⁸ Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

ZEREMIAH 51:58 ပူးပေါင်းရင်းမြစ်များ

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

ISAI 13:2

“Tlâh padâ tawhta ngiana poh chaluahpa ta, A paropa ta Babylaw mo cha awsao u la, Beimachâ chhikaozy liata a ngia awpa ta, Nama ku thliethlâpa teh u.

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ISAI 65:23

Hraoleipa ta hriapasa khao leipa aw ei ta, Chhiena a tyh awpa sawzy sa khao aw veih ei. Abeipa byhnâ piepa sawzy châ aw ei ta, Ama pathlazy chhao, Abeipa byhnâ piepa ama châ aw.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

ZEREMIAH 51:30

Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

ZEREMIAH 9:5

Chyhsa to ama vaih dôvei ei ta, Biedopa a reihpa y veih ei. Ama paleih cha haipa bie rei nawpa ta pachu ei ta, Moleina taopa ta âmosasyh ta ama rie amâ pathei tyh.

CHAPHÔHTUNA 5:5

Miah chadaituhpazy ta raopaky miah paky ei ta, Eima thachhâ ta, apahâna rai miah pie veih ei.

HABAKU 2:13

Moh tua u, phopizy ta mei ta a kâ thlâh ha awpa châta hriapasa ei ta, Râhzy ta hraoleipa liata âmosasyh ama rie amâ pathei; Cha cha Pheisaihzy Abeipa taopa châ vei ma?