ZEREMIAH 51:56 - Mara Bible RV (BSI)

⁵⁶ Babylaw cha paraotuhpa ta a vaw tlô thlu hai; A pasaiphazy patupa châ aw ei ta, Ama libawzy thlie pachhôpa a châ aw; Abeipa cha viari a thôpa Khazohpa châ ta, Viari a thô thlyu aw.

ZEREMIAH 51:56 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

HLAZY 137:8

Hy Babylaw sawchanô, Pahleipadiapa châ aw chi ta, Eima chô liata na taopa viari châ thôtuhpa cha, Vânoh topa ta a y aw.

HLAZY 37:15

Ama zaozi ta âmo palôh chhô aw ta, Ama libaw thliepa a châ aw.

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

HLAZY 76:3

Cha liata châtai patliepazy thlie pachhô ta, Vyhphao, zaozi nata chariah chhaichhizy a thlie pachhô khai haw. Selah

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ZEREMIAH 49:35

Pheisaihzy Abeipa ta hetana heta a tah: “Moh teh u, Elâmi libaw, ama thatlôna chaipa cha ei parao aw.

ZEREMIAH 50:10

Kaldia cha hraopa châ aw ta, A hraotuhpazy lôhrâtlôpa ta ama y aw,” Abeipa ta a tah.

ZEREMIAH 50:36

“Zaozi ta hrohso pakheipazy a dyuh aw ta, Âmo cha ahrupazy ama vaw châ aw. Zaozi ta a pasaiphazy a dyuh aw ta, Pahleipadiapa ama châ aw.

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

ZEREMIAH 51:30

Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZEREMIAH 51:53

“Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

CHAPHÔHTUNA 3:64

“Hy Abeipa, âmo cha viari thô la, Ama ku hmotaopa lymâ hawhta viari thô mah y;

EZEKIA 39:3

Na ku chavei lâ liata na libaw chakhyh pathlah aw na ta, na ku chachâh lâta na châtaizy ei patlasa aw.

EZEKIA 39:9

“Izarei khihpizy liata a pahrâpazy pua aw ei ta, adyuhna chhaichhizy mei liata ti aw ei ta, a kâ khai aw. Vyhphao chyhpa nata vyhphao laipazy, libaw nata châtaizy, asei nata seichhizy cha, kô sari chhôh mei patina châta ama hmâh aw.

AMÔSÂ 2:15

Likathaipa a duah thei leipa aw ta, A phei lâsie a chatlie kawpa hmahta A pabohsa thei aw vei; Arâ a kiahpa chhao ta, A hrona pabohsa thei aw vei.

ÔBADIA 1:15

“Abeipa noh cha, Phopi zydua châta â hnia haw; Na taopa hawh tlai ta, Na chô liata taopa a châ aw; Na hmotaopazy tlai kha, Na luh chô lia â vaw lie aw.

HABAKU 2:8

Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

2 THYSALAWNIKA 1:6

Khazohpa pachiana cha a do ta, nama rie châ patheituhpazy cha rietheina ta viari a thô aw.

BIEPHUAH 17:16

Sahrâhpa nata ki hrawh na hmôpazy khata âzuahnô cha amâ hao aw. Roryhrapa nata thluahruapa ta tao aw ei ta, a sa nie aw ei ta, mei ta ama raosao aw.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

BIEPHUAH 19:2

A pachiana a do ta a sia; A sihryhna ta leilô a papuapa âzuahnô rônahpa cha, Khazohpa ta pachia ta; A chakaotuhpazy thisaih phuh cha, Âzuahnô chô liata a la haw,” tah ei ta.

1 SAMUELA 2:4

Thatlôpazy libaw thlie ta, Chiehleipazy tha a patlô tyh.