ZEREMIAH 51:53 - Mara Bible RV (BSI)

⁵³ “Babylaw cha avâ daihpa ta, Thokhy sâhpa a tu hra sala, Ei tuapa paraotuhpa ta a siehnao pyly aw,” Abeipa ta a tah.

ZEREMIAH 51:53 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ZAWBÂ 20:6

A rônahna ta avâzy daipa ta, A luh ta meihdo tlô hra sala,

ISAI 13:17

“Pachâ teh u, âmo a dyuh awpa ta Media mo pathyu aw na ta, Cha phopi cha tâkâ pachâ leipa ei ta, Ngôh liata a ly hra veih ei.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 47:5

Hy Kaldia zuahnô y, A chalihpa ta a tyuh la, Zohna liata a ngia teh; Abeinarâhzy abeinô cha tah khao aw veih ei.

ISAI 47:7

“Abeinô ei châ kôzaw aw,” tah chi ta, Cha hmozy cha na palôh liata soh beih leipa chi ta, Ama chhâ nawpazie chhao pachâ va chi.

ZEREMIAH 49:16

Nâ lôkhaohzy liata pahrâ chi ta, Tlâh laki liata a tlaih tyhpa y, Chichhihna na taopa ta cha dôvei ta, Na palôh apalaina ta a cha dôvei haw. Pahmôhpi bu tlu ta a sâhpa ta na bu tu hra la, Cha tawhna chata ei châ dao pathlah aw,” Abeipa ta a tah.

ZEREMIAH 50:21

“Merâthai râh siehnao u la, Pekô mo siehnao teh u. Âmo cha thiepa ta tlokhuh pahleipadia u la, Bie ei cha piepa zydua ei kha tao khai teh u,” Abeipa ta a tah.

ZEREMIAH 50:25

Pheisaih Abeipa Zehôvâh cha, Kaldia râh liata tao awpa a hneipa vâta, A chariah chhaichhi sona pahy ta, A hiehâhna chaihraizy a thaoh haw.

ZEREMIAH 50:45

Chavâta Babylaw chô liata Abeipa ta tao â chhuahpa he nathlie u la, Kaldia râh chô liata tao â chhuahpazy he nathlie teh u: Ama sahroh zaw tawzy a daophipa châ aw ei ta, ama hmo a tyhpa cha ama tlaihna sibiepa suzy taihta rarôh y ama tah aw.

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

ZEREMIAH 51:48

Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZEREMIAH 51:56

Babylaw cha paraotuhpa ta a vaw tlô thlu hai; A pasaiphazy patupa châ aw ei ta, Ama libawzy thlie pachhôpa a châ aw; Abeipa cha viari a thôpa Khazohpa châ ta, Viari a thô thlyu aw.

ZEREMIAH 51:58

Pheisaihzy Abeipa ta hetana heta a tah: “Babylaw thokhy chhapa cha pachopa châ aw ta, A chhikao a sâhpazy mei ta raopa a châ aw. Phopizy cha hraoleipa ta hriapasa ei ta, Râhzy ta mei châta ama rie tlâ amâ pathei.”

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

AMÔSÂ 9:2

“Athihkhih taihta khaoh chao hra ei sala, Cha tawhtapa cha ei ku ta thaoh aw ei na ta; Avâ taihta kiah hra ei sala, Cha tawhtapa cha ei daophi pathlah aw ei.

AMÔSÂ 9:4

Ama chariahpazy hmia lâta sei ta sie hra ei sala, Cha liata zaozi biepie aw na ta, Âmo cha ei thie aw ei; Phana lâ châ leipa ta, Chhiena lâta ei mo ei tawpâ aw ei.”

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!