ZEREMIAH 51:51 - Mara Bible RV (BSI)

⁵¹ ‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

ZEREMIAH 51:51 ပူးပေါင်းရင်းမြစ်များ

HLAZY 109:29

Nâ leihtuhpazy cha nohzaona ta tobipa châ ei sala, Nozana poh a bu mawh ei sy!

HLAZY 71:13

Nâ leihtuhpazy maophyuhpa ta leidia ei sala, Pasasa nâ chhuahpazy cha, Mohnaona nata nohzaona ta khu mawh ei sy.

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

HLAZY 79:12

Hy Abeipa, eima chheipâh râhzy ta ama cha pasipasawhnazy kha, A lie sari ta ama chô liata viari thô mah y!

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

HLAZY 89:46

Hy Abeipa, khati taih ma a châ aw? Chhâzaw ta ma nâ nyu aw? Khati taih ma na pathiiana mei hawhta a kâ aw?

ISAI 13:1

He bie he Amôza sawchapawpa Isai ta Babylaw kyh liata aluahna a hmôpa a châ.

ISAI 14:1

Abeipa ta Zakaw ngiachhiepa ta, Izarei a tlyh heih aw ta, ama râh tlai liata a paysa heih aw ei. Chihropazy ta âmo cha a bai aw ei ta, Zakaw pathlazy cha amâ pazao aw.

ISAI 21:1

He he tilaipi kiah râhchawhpa kyh chhochhieliena bie a châ: Khisô ta Neke a chanaohpa hawhta, Chariahpa cha râhchawhpa tawhta a vy ta, Râh chichhihpa tawhta â vy.

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ZEREMIAH 14:3

Chhituhpazy ta chakaotuhpazy ti pathaisa ei ta, Tikhaohzy yna lâ ama pangai; Châhrasala ti hmô leipa ei ta, Ama tibeihzy aruapa ta kuakhei ei ta, Nozapa nata vâsâhpa ta ama luh amâ khu.

ZEREMIAH 25:26

maw lâta bei zydua, lâhla nata lâhnia a pazi lymâpa ta, hiehâhna nyu cha padosapa châ ei ta, alei chô liata a ypa khizaw khinarâh zydua chhao padosapa ama châ. Âmo khai tawhta Babylaw bei ta a doh awpa a châ.

ZEREMIAH 31:19

Lâpi ei tlei khai tawhta, Ro na ta; Ei vaw pahno thai tawhta, Ei byhpi ei chô. Ei thyutlia nota maophyuhna ei phaopa vâta, Nozapa nata nohzaopa ta ei y.’

ZEREMIAH 52:13

Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!

EZEKIA 24:21

‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 36:30

Tho theilâpa nata lyu kôvei paphasa aw na ta, chakâhna vâta phopizy hry liata maophyuh beih khao aw veih ei chi.

EZEKIA 7:18

Latho poh a bu aw ei ta, chichhihna ta a khu aw ei. Ama zydua hmiachhiepa ta y aw ei ta, ama luh zydua a pôlô khai aw.

EZEKIA 9:7

Abeipa ta ama hnohta, “Achhyna o kha papuapalei u la, a dôhpachhôh tlyhmiazy kha athihpa ri ta pabie ha muh vy. Thie awpa ta pua teh u,” tah ta. Chatanachata pua ei ta, khihpi chhôh liana cha thie lymâ ei ta.

DÂNIAH 11:31

A pheisaihzy vaw pua aw ei ta, Achhyna o nata thokhyzy papuapalei aw ei ta, raopa hlâna hlâ tyhpazy ama pachhâsa aw. Chatanachata roryhrana a patlôsatuhpa hmo pasichhihpa cha ama padua aw.

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.