ZEREMIAH 51:48 - Mara Bible RV (BSI)

⁴⁸ Paraotuhpa ta maw lâ tawhta Babylaw a vaw siehnao awpa vâta, Lei nah vâ nata a chhôh liata a ypa zydua ta, Babylaw cha amâ lyna hla ama sa chie aw,” Abeipa ta a tah.

ZEREMIAH 51:48 ပူးပေါင်းရင်းမြစ်များ

BIESOZY 11:10

Mosiapa chô liata hmo pha a tlôh nahta, Khihpi a ly ta; Moleipa a leidia nahta, Thaphapa ta ama rahao tyh.

ISAI 44:23

Abeipa ta chatlaina tao ha ta, Chavâta, Hy avâzy saih u, hla sa u la, Hy alei su a thupazy saih u, awh teh u. Hy tlâhpizy saih u, hla paryh u la, Hy râhmâhpa nata a chhôh liata tho to saih u, hla paryh teh u! Abeipa ta Zakaw cha chatlai ha ta, A rônahna Izarei liata a paluahsa haw.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ZEREMIAH 50:3

“Maw lâta phopi ta za siehnao aw ta, A râh roryhrapa ta a tao aw; Chyhsapa nata râhsa zydua a râ khai aw ei ta, Râh liata a pahrâpa y khao aw veih ei.

ZEREMIAH 50:41

“Moh teh u, maw lâ tawhta phopi miakha a vy ta, Phopi thatlôpa nata bei hluhpizy cha, Alei su lâhla chaipazy tawhta ama vaw thyu.

ZEREMIAH 50:9

Pachâ teh u, maw lâ râh phopi rônahpazy pahmaoh aw ei na ta, Babylaw a dyuh awpa ta pathyu aw ei na ta ei vaw chhi aw ei. Babylaw a dyuh awpa ta a paziah aw ei ta, Babylaw cha maw lâ tawhta pahniepa a châ aw. Ama châtaizy cha, Chariah a dyuh thaipa pasaipha lyu ei ta, Ku ruapa ta a kua leipa a châ.

ZEREMIAH 51:56

Babylaw cha paraotuhpa ta a vaw tlô thlu hai; A pasaiphazy patupa châ aw ei ta, Ama libawzy thlie pachhôpa a châ aw; Abeipa cha viari a thôpa Khazohpa châ ta, Viari a thô thlyu aw.

EZEKIA 35:14

Abeipa Zehôvâh ta hetana heta a tah: Khizaw zydua thaphapa ta a y nota, roryhrapa ta ei cha paysa aw.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”