ZEREMIAH 51:43 - Mara Bible RV (BSI)

⁴³ A khihpizy roryhra khai ha ta, Râh raohpa nata râhchawhpa lâta amâ lie haw; Chyhsa pahrâ leina râh châ ha ta, Chyhsa saw chapia leipa râh lâta â lie haw.

ZEREMIAH 51:43 ပူးပေါင်းရင်းမြစ်များ

HLAZY 46:8

A vy u la, Abeipa hmotaopazy he moh u la, Roryhrapa ta leilô a paysa hazie he moh tua u.

ISAI 13:20

Khati ta hmahta, Cha liata chyhsa pahrâ khao leipa aw ei ta; Chhâ zydua ta, A chhôh liata chyhsa y khao aw veih ei. Arabia chyhsazy ta, Cha liata ama poh o parai khao leipa aw ei ta; Mietaku vaituhpa ta, Cha liata ama mietaku zawzy pabyusa khao aw veih ei.

ISAI 34:13

A abei ozy liata ahlohzy pyu aw ta, A thokhyzy chhôh liata thlahbei nata diahsaizy a pyuh aw. Savaizy tlaihna châ aw ta, Vakuzy pahrâna a châ aw.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

ZEREMIAH 50:12

Nama nô cha noza ngaitapa ta y aw ta, Châ satuhnô cha nohzaopa ta a y aw. Pachâ teh u, phopizy hry liata Nawh chaipa a châ aw; Râh chawhpa nata râh raohpa châ aw ta, Sadi by lâta â lie aw.

ZEREMIAH 51:29

“Babylaw râh cha roryhrapa ta taopa ta, Chyhsa pahrâ leina râh ta tao awpa ta, Abeipa hmochhuahpa cha a vaw tlô hapa vâta, Babylaw râh cha pasataopa ta â chalyu.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 51:62

‘Hy Abeipa y, he su kyh liata, chhawh pathlahpa châ aw ta, chyhsapa tlyma râhsa tlyma, khâpa hmahta pahrâ khao leipa ta, chhâzaw ta roryhrapa ta a y awpa kyh na rei hapa kha a châ,’ tah mah y.