ZEREMIAH 51:39 - Mara Bible RV (BSI)

³⁹ Ama parôpachaw kaw nota, Kyhchhi ei taopa aw ei; Parisa aw ei na ta, Thaphapa ta ei paysa aw ei; Chhâzaw ta a mô aw ei ta, Thyu khao aw veih ei,” Abeipa ta a tah.

ZEREMIAH 51:39 ပူးပေါင်းရင်းမြစ်များ

HLAZY 13:3

Hy Abeipa ei Khazohpa, Na moh la, nâ chhy la, Ei mo pavâsa mah y; Chataleipatala, a môsao pathlei aw na ta,

ZEREMIAH 25:27

“Chatawcha ama hnohta hetana heta na tah aw: ‘Pheisaihzy Abeipa, Izarei Khazohpa ta hetana heta a tah: Nama hry liata zaozi ei vaw tuah awpa vâta, doh u la, pari u la, pali u la, pao u la, thyu khao khah u.’”

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 51:57

Babylaw beimachâzy nata a chyhsa sopazy parisa aw ei na ta, Râhvaotuhpazy ei parisa aw ei; A pheisaih hyutuhpazy parisa aw ei na ta, A pasaiphazy ei parisa aw ei; Chhâzaw ta a mô aw ei ta, Thyu khao aw veih ei,” Abeipa, a moh Pheisaihzy Abeipa ta a tah.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

NÂHU 1:10

Ahloh buh a chaviapa hawhta châ ei ta, Sahma doh ta a paripa ama lyu; Sâhkô raohpa hawhta pakâ khaipa ama châ.

NÂHU 3:11

Nâ chhao paripa ta a nyu aw chi ta, Na chariahpa tawhta abohna na tlua aw.

NÂHU 3:18

Hy Asuria bei, Na mietaku vaituhpazy a mô ei ta, Na beimachâzy amâ môkua haw. Na phopi cha tlâhpizy liata viavi ei ta, A pakhy awpa y veih ei.