ZEREMIAH 51:34 - Mara Bible RV (BSI)

³⁴ Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

ZEREMIAH 51:34 ပူးပေါင်းရင်းမြစ်များ

ZAWBÂ 20:15

Hneirôna a palâpazy cha pali lilaw heih ta, Khazohpa ta a py tawhta a thy pathlah khai ha tyh.

HLAZY 74:13

Na thatlôna ta tilaipi pachhaih chi ta, Tilaipi sa lai ngaitapazy luh na pakei haw.

BIESOZY 1:12

Athihkhih hawhta a hrohpa ta âmo cha palâ sih la, Khaohtlô liata a tlapazy hawhta ama pôhpa dua ta palâ ei suh u.

ISAI 34:11

Râh cha vawpô nata sawku ta hnei aw ei ta, Cha liata vaku nata raawh ama pahrâ aw. Abeipa ta Môabâ chô liata tymâna ri parai aw ta, Ruana ri a parai thlu aw.

ISAI 42:22

He phopi deikua he cha, Hrao hapa phopi châ ei ta; Ama hmo ama la hapa phopi ama châ. Ama zydua ta khaohtlô liata pathla ei ta, Patâhna o liata ama nyu. Pachhatuh a hnei leipa hraona sôh lâta a lie ei ta, “Pie pakhua ha teh u,” a tah awpa a hnei leipa Parupa sôh lâta amâ lie haw.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 50:7

A hmôpa maihta âmo cha palâ ei ta, Ama chariahpazy ta, ‘Keimo thaileina châ vei, Âmo tlai ta siana pahrâna Abeipa chô liata molei ei ta, Âmo pathlatuhpazy hnabeiseihna Abeipa chô liata ama moleipa vâta a châ,’ ama tah.

ZEREMIAH 51:44

Babylaw liata Bel cha hrie aw na ta, A palâ hapa chhao, A pakah tawhta ei thaoh aw. Babylaw thokhy cha a cho haw, Phopizy ta ano cha by khao aw veih ei.

ZEREMIAH 51:49

“Babylaw ta khizaw râh zydua liata Chyhsa thie ta a papaopa hawhta, Babylaw cha Izarei ta thie aw ta a papao aw.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

CHAPHÔHTUNA 2:16

Na chariahpa zydua ta ama pakah cha pakawh chie ei ta, Ama hmao ama cha tô chie; Ama hâh cha charieh chie ei ta, “Eima palâ haw! He noh he eima mokhâh tyhpa tlai kha châ ta, Eima hro chhôh ta eima hmô ha hih!” ama tah.

EZEKIA 36:3

hrohsona bie phuah la, hetana heta reih teh. Abeipa Zehôvâh ta hetana heta a tah: Roryhrapa ta cha tao ei ta, su to tawhta cha chanaohpa ta, phopi hropazy eih vaw châ ha ei chi ta, chyhsazy ta ama rei awpa nata reipachhie awpa ta ama cha tao hapa vâta,

HÔSIA 8:8

Izarei cha ama palâ khai haw; Phopizy hry liata y ta, Hmobaoh hmâ tlâh leipa a châ bâ.

AMÔSÂ 8:4

Nâmo, phahlapazy palâ khai ei chi ta, Râh liata rietheipazy a thie khaipazy saih u, He bie he thei teh u.

NÂHU 2:2

Hraotuhpazy ta Zakaw pathlazy hrao ei ta, A chiahzy ama parao hapa vâta, Abeipa ta Zakaw rônahna cha, Izarei rônahna hawhta a paduapathi hai.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.