ZEREMIAH 51:33 - Mara Bible RV (BSI)

³³ Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

ZEREMIAH 51:33 ပူးပေါင်းရင်းမြစ်များ

ISAI 18:5

Kre zôh a paw pawh ta, A paw tawhta a thei a pabyuhpa hmoh pathao ta, Châhrasala kre thei lyu daihti a tlôh hlâta, Abeipa ta tâkô ta kre chhyhzy chhawh pathlah aw ta, A chiah a zawhpazy thlâ aw ta a pathla khai ha aw.

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ZEREMIAH 51:32

Chavah chakana suzy la ha ei ta, Tichhoh yna liaryhzy mei ta ama rao haw; Pheisaihzy thlazohpa ta ama y.”

HÔSIA 6:11

Hy Zudâh y, ei phopi vânoh ei patosa heih tita, Nâma châta chhao sâh hria daihti raopa a châ.

ZÔELA 3:13

“Nama savâ phia teh u, Sâh hria â daih ha hih. A vy u la, vaw tly teh u; Kre saohna khaoh bie ta, Tibeihzy a khô ha hih; Ama moleina a lai kaw dia!

AMÔSÂ 1:3

Abeipa ta heta na heta a tah: “Dâmaskâ moleina miathôh vâta, Âh, miapalih vâ chhao rai ta, Hriena chalihsa aw va na; Sâh chakhyna thua syulô hmâpa ta Kilia ama chakhypa vâta.

MIKÂ 4:12

Abeipa pachânazy pahno leipa ei ta, A hmochhuahpazy ama novâh vei; Sawhri liata sapiah pahmaohpa hawhta, Âmo cha a pahmaoh hapa pahno veih ei.

MIKÂ 4:13

Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

HABAKU 3:12

Pathi iapa ta khizaw chahryh chi ta, Hiehâhpa ta phopizy na tlysao ei.

MATHAI 13:30

Sâh hria daihti taih cha y khoh thlâh ha ei sala, sâh hria daihti liata hriatuhpazy hnohta, “Sâh pakheipazy kha pahmaoh tua u la, rao awpa ta a pia ta chahry u la, sâh deikua cha ei sawvâ liata pahmaoh teh u,” ei tah aw,’” tah ta.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.