ZEREMIAH 51:30 - Mara Bible RV (BSI)

³⁰ Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

ZEREMIAH 51:30 ပူးပေါင်းရင်းမြစ်များ

HLAZY 107:16

Abeipa ta dawh ochhizy parao ta, Thua ochhi lâhreizy a thlie pachhô.

HLAZY 147:13

Ano ta na thokhy chhikao lâhreizy pa-isa ta, Na chhôh liata na sawzy byhnâ a awpa tyh ei.

HLAZY 76:5

Riahphapazy hraopa ta y ei ta, Amâ môna liata a môsao ei ta, Pasaiphazy ama ku hmâh thei khao veih ei.

ISAI 19:16

Cha noh liata, Izi mo cha chanô lyu aw ei ta, Pheisaihzy Abeipa ta ama chô liata a ku a chatho thlupa hmiakô liata chipa ta amâ chalyu aw.

ISAI 47:14

Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

ZEREMIAH 51:32

Chavah chakana suzy la ha ei ta, Tichhoh yna liaryhzy mei ta ama rao haw; Pheisaihzy thlazohpa ta ama y.”

ZEREMIAH 51:57

Babylaw beimachâzy nata a chyhsa sopazy parisa aw ei na ta, Râhvaotuhpazy ei parisa aw ei; A pheisaih hyutuhpazy parisa aw ei na ta, A pasaiphazy ei parisa aw ei; Chhâzaw ta a mô aw ei ta, Thyu khao aw veih ei,” Abeipa, a moh Pheisaihzy Abeipa ta a tah.

CHAPHÔHTUNA 2:9

A thokhy chhikaozy alei liata pao ei ta, A chhikao lâhreizy parao ta a thlie khai haw; Abei nata beimachâzy cha phopi hropazy hry liata y ei ta, Ryhpa y khao vei; A hrohsopazy chhao ta, Abeipa tawhta aluahna hmô khao veih ei.

AMÔSÂ 1:5

Dâmaskâ thokhy chhikao hrainazy thlie aw na ta, Ave Saikao liata a pahrâpazy ei chhawh pathlah khai aw ei. Be-Idâh ryureina chôchahrei a chabapazy Chhawh pathlah aw ei na ta, Aramia zawpizy cha Kiri lâ sei ta ama sie aw,” Abeipa ta a tah.

NÂHU 3:13

Na pheisaihzy kha moh tua, Chanôzy ama châ khawh. Na râh thokhy chhikaozy cha, Na chariahzy hmia liata a kawh pi ta â pahy; Na thokhy chhikao hraina lâhreizy chhao, Mei ta a kâ khai haw.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”